Pedidu estensaun EE ne'e, PR Lú Olo haruka ba Parlamentu Nasionál iha loron segunda (27/09), hafoin Xefe Estadu rona opiniaun liuhusi reuniaun Konsellu Estadu no Konsellu Superiór Defeza no Seguransa (KSDS).

Iha loron 24 fulan-augustu, Parlamentu Nasionál halo diskusaun no aprovasaun ba pedidu estensaun EE ba dala-17, ho votu a favór 38, kontra 0 no abstensaun 16.

Nune'e, EE ba dala-17 ne'e aplika hahú iha 31 Agostu no sei remata iha loron 29 Setembru tinan 2021.

Pedidu ida ne’e Prezidente Repúblika haruka ba PN iha segunda (23/08), hafoin hetan rekomendasaun hosi Konsellu Estadu no Konsellu Superiór Defeza no Seguransa.

Pozisaun Governu aprezenta estensaun EE ne’e tanba haree ba situasaun epidemiolójika ka pandemia Covid-19 ne’ebé kontinua rejista kazu loroloron, nune’e, ho implementasaun EE Governu bele kontinua foti medida restrisaun ruma hodi solusiona no salva sidadaun sira. (*)