Konsilleru PDRT, Gabriel Fernandes hatete, dadauk partidu sei hein kalendáriu eleisaun, tanba presiza haree se Prezidente Repúblika deklara katak eleisaun ne'e fó diretu ba partidu hothotu atu kompete mak PDRT mós prontu inisia nia kandidatura rasik.
"Ba PR ne'e, PDRT sei hanoin nia kandidatu rasik, ami deside ona, enkuandu Prezidente Repúblika kuandu deklara atu kandidatu kualker partidu iha direitu para kandidatu, PDRT sei ba kandidatu nia ema jerasaun foun”, dehan nia, iha sede PDRT, fomentu II, sábadu (25/09).
Ba kandidatu ne'e, Komité Sentrál no PDRT mak sei deside diretamente no sei la liuhusi kongresu nasionál.
"Atu hili kandidatu Prezidente Partidu mak sei hili liuhusi kongressu, mais se hili ema ida ba prezidente republika, ne'e liuhusi komité sentrál, siknifika PDRT mak sei tur hamutuk hili”, dehan nia.
Dadauk Partidu Demokratiku ba Republika Timor-Leste mós hahú prepara hela atu hakat ba kongresu oinsá mak atu halo restruturasaun ba Kargu Prezidente PDRT hamutuk ho Sekretáriu Jerál PDRT.
Nune'e responsabilidade atu organiza kongressu nasionál ne'e kabe ba kompeténsia Koordenadór komité Sentrál PDRT Agustinho Gomes atubele organiza kongressu ida ne'e. (*)
