Print this page

CNRT-PD Preokupa Sidadaun Falsifika Kartaun Vasina

By September 23, 2021 1049

Tempotimor (Dili)-Bankada Congresso Nacional de Reconstrução de Timor (CNRT) no Bankada Partidu Demokrátiku (PD) iha Parlamentu Nasional (PN) preokupa ho sidadaun ne'ebé falsifika kartaun vasinasaun tanba sei fó impaktu ba saúde públika.

Deputada CNRT, Maria Fernanda Lai, husu Governu liliu Ministériu Solidaridade Sosiál no Inkluzaun (MSSI) atubele kontrola kestaun kartaun ne'e ho sériu.

"Husu ba komisaun kompetente Ministériu Solidaridade Sosiál atu haree ba númeru serie kartaun hodi bele kontrola. Se ita haree ita-nia kartaun laiha númeru serie tanba ide ne'e mak ema falsifika bara-barak. Husu atensaun ita-nian", dehan nia iha Plenária PN, tersa (21/09).

Tanba, CNRT haree katak kartaun vasina ne'ebé Governu oferese ba ema, durante ne'e laiha sèriu, foin lalais deteta iha públiku katak, ema balun la vasina mós hetan kartaun vasina.

Deputada Bankada Partidu Demokrátiku (PD), Elvina Sousa konsidera, atetude sidadaun hodi falsifika dokumentu estadu nian ne'e kontra lei.

"Pior liu kuandu asaun falsifikasaun ba dokumentu estadu nian ne'ebé mak iha implikasaun ba saúde públiku, ha’u hanoin ne'e sériu tebes”, dehan nia iha PN, kuarta (22/09).

Tanba ne'e, husu ba Ministériu relavante atu haree no buka meiu haree didi'ak, tanba dala-ruma mós impaktu husi númeru seguransa iha kartaun vasinasaun ne'e laiha. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items