Print this page

Fulan Oin, Governu Hahú Resenseamentu Eleitorál iha Diaspora

By September 23, 2021 1934
Ministru Administrasaun Estatál (MAE), Miguel de Carvalho Pereira. Ministru Administrasaun Estatál (MAE), Miguel de Carvalho Pereira. Foto Suplay

Tempotimor (Díli)-Ministru Administrasaun Estatál (MAE), Miguel de Carvalho Pereira hatete, rezolusaun Governu deside ona iha fulan-outubru tinan 2021 ne’e, Sekretariadu Tékniku Administrasaun Eleitorál (STAE) no ekipa sei hahú resenseamentu eleitorál iha diaspora.

"Ekipa sira sei aranka iha inisiu fulan-Outubru, sira sei ba uluk iha Lisboa no Inglaterra depois faze tuir mai mak ba Korea no Austrália”,  informa Ministru Miguel de Carvalho iha Palásiu Governu, kuarta (22/09).

Nasaun haat ne'ebé mak ekipa tékniku atu hala'o resenseamentu eleitorál mak hanesan Austrália, Inglaterra, Korea no Lisboa (Portugál).

Dadaun ne’e, ekipa tékniku hanessn STAE, ekipa husi Ministériu Negósiu no Estranjeiru inklui Ministériu Justisa trata hela karta viajen ba nasaun haat nian.

Nune'e resenseamentu Eleitorál ba sidadaun sira iha rai laran no rai li'ur ne'ebé mak mak rejista ona, oras ne'e atinje ona rihun-atusualu-resin.

"Iha rai laran no rai li'ur la'o namanas hela to'o rezultadu ikus ne'ebé ha'u simu husi STAE rejista ona eleitór hamutuk 846.653”, dehan nia. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items