Governu Sei La Kontinua EE, Populasaun Simu Vasina Atinje Pursentu Ualunolu

Ministru Asuntu Parlamentár no Komunikasaun Sosiál (MAPKomS), Francisco Martins Jerónimo, akompana hela komunidade ne'ebe simu vasina. Ministru Asuntu Parlamentár no Komunikasaun Sosiál (MAPKomS), Francisco Martins Jerónimo, akompana hela komunidade ne'ebe simu vasina. Foto Suplay

Tempotimor (Aileu)-Ministru Asuntu Parlamentár no Komunikasaun Sosiál (MAPKomS), Francisco Martins Jerónimo hatete, Governu sei la kontinua estende Estadu Emerjénsia (EE), bainhira populasaun iha teritóriu tomak simu vasina atinje ona pursentu ualunolu (80%).

"Se ita vasina hotu ona, ha'u hanoin ba oin Governu sei la husu tan ba Prezidente Repúblika atu estende Estadu Emerjénsia, hakarak atu moris de'it ona iha moris foun ne'ebé mak hamutuk ho Covid-19 maibé ita seidauk to'o iha pursentu 80", dehan nia iha Munisípiu Aileu, kuarta (22/09).

Nune'e Governu sei iha preokupasaun tanba lakohi husik nia komunidade, lakohi husik nia povu ba mate saugati de'it tanba ne'e tenke kontinua sensibilza komunidade atu simu vasina.

"Ita bele ho polítika foun ne'ebé mak Estadu Emerjénsia la presiza iha, maibé Governu prepara hela atu hanoin husu tan estensaun Estadu Emerjénsia tanba ita-nia vasina seidauk atinje pursentu 80, ida ne'e mak Governu hakarak halo nune'e alin sira ne'ebé ki’ik eskola kontinua aula prezensiál nune'e prepara sira-nia an ba futuru", hatete Ministru Francisco.

Tanba ne'e, Governu mós ko'alia ona kona-ba vasina Pfizer vasina ne'ebé apropriadu ba labarik sira tinan 12 to'o 17, iha inísiu fulan-outubru to’o ona Timor-Leste. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« October 2021 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter