Print this page

Governu Propoin Renovasaun Estadu Emerjénsia ba Dala-18

By September 22, 2021 1754

Tempotimor (Díli)-Governu liuhusi Konsellu Ministru (KM) deside propoin ba Prezidente Repúblika (PR), Francisco Guterres ‘Lú Olo’, halo renovasaun Estadu Emerjénsia ba dala-18, atubele evita no neutraliza risku propagasaun sira husi pandemia Covid-19.

"Propoin ba Sua Exelénsia, Señór Prezidente Repúblika, Francisco Guterres ‘Lú Olo’, renovasaun ba Estadu Emerjénsia nian, ba loron 30 tan. Ho hanoin katak kauza determinante sira ne’ebé justifika ona deklarasaun Estadu Emerjénsia no ninia renovasaun sira kontinua mantein, no atubele evita no neutraliza risku propagasaun sira husi variante foun SARS-CoV-2”, informa Ministru Prezidénsia Konsellu Ministru (MPKM), Fidelis Leite Magalhães, hafoin reuniaun Konsellu Ministru iha Palásiu Governu, kuarta (22/09).

Ho aplikasaun Estadu Emerjénsia bele proteje saúde públika no kapasidade resposta husi Sistema Nasionál Saúde nian, Governu propoin ba Prezidente Repúblika katak, ho renovasaun Estadu Emerjénsia nian, permite suspensaun ka restrisaun ba direitu no garantia fundamentál balun.

Iha Ámbitu Estadu Emerjénsia ne'e sidadaun sira kontinua halo tuir regra ne'ebé mak Ministériu Saúde fó sai katak mantein distánsia sosiál no fase liman bebeik, evita halibur malu. (*)

Rate this item
(0 votes)
Last modified on Wednesday, 22 September 2021 19:33
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items