Login to your account

Username *
Password *
Remember Me

Alkatiri: “PR Labele Veta Tratadu Tasi Timor”  Featured

Sekretariu Jeral Partidu FRETILIN, Dr. Mari Alkatiri hasoru malu ho Prezidente da Republika Dr. Francisco Guterres Lu Olo iha palasiu PR iha tempu ruma kotuk Sekretariu Jeral Partidu FRETILIN, Dr. Mari Alkatiri hasoru malu ho Prezidente da Republika Dr. Francisco Guterres Lu Olo iha palasiu PR iha tempu ruma kotuk Foto Midia PR
Tempotimor (Díli) – Sekretáriu Jerál  Partidu FRETILIN, Mari Alkatiri husu Prezidente Partidu FRETILIN, atual Prezidente da Republika atu labele veta tratadu marítima maske proposta lei hirak ne'e iha ona Tribunál Rekursu hodi halo fiskalizasaun ba nia konstitusionalidade.
 
"Pakote lei ne'e buat ketak ida. Tratadu Tasi Timor ne'e, labele veta. Pakote lei ne'e hein, Prezidente Republika haruka ona ba Tribunál Rekursu. Agora ita hein de'it, ita ko'alia tan saida, atu influensia tribunal ka atu influensia Prezidente Republika," dehan Eis Prezidente RAEOA-ZEESM, Mari Alkatiri iha Fatuhada, Tersa (20/08/19).
 
Lider nasionál ne'e dehan, tratadu Tasi Timor ne'e laiha promulgasaun, maibé publikasaun. "Tratadu tasi Timor ne'e, la'ós promulgasaun. Maibe publikasaun. Prezidente laiha dalan seluk, fó desizaun atu publika. Agora pakote lei, ne'e Tribunál Rekursu atu ko'alia saida? Depois mak ita haree, Prezidente Republika atu halo saida," dehan Mari Alkatiri.
 
GS 70% ho 30%
 
Mari afirma, Greater Sunrise ne'ebé fahe pursentu 30% ba Austrália ne'e klaru. Maibé, pursentu 70% ne'e ba se? "30% ba Australia ne'e klaru, agora 70% ne ba se? Se o tusan boboot. Para harii infrastruktur, primeiru o tenke selu o nia tusan uluk, ne'e primeiru o tenke selu o nia tusan uluk, depois o selu tusan hotu o sei manan Osan ka lae?" dehan Alkatiri.
 
Maski ohin loron, Sekretáriu Jerál Partidu Fretilin Mari Alkatiri iha duvida ba Greater Sunrise pursentu 70%  mai Timor Leste, maibé antes ne'e, bainhira Mari Alkatiri sei asume pasta nu'udar Primeiru Ministru VII Governu nian, nia aseita ho pursentu 70% Greater Sunrise mai Timor-Leste.
 
"Ha'u aseita porque, uluk kedas ha'u dehan 100% ita la konsege, ha'u hanoin, ha'u nunka mehi to'o 100%. 70% mai Timor, 80% ba Australia. Se ita halo akordu ne'e, ita mós iha rikusoin iha tasi ne'ebá, ita tenke integra hotu iha akordu, mas Media Line ne'e polítika ida juridiku, Greater Sunrise ne'e ekonomiku," dehan Mari Alkatiri iha nia lideransa ba VII Governu konstitusional.
Rate this item
(5 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter