"Aprova projetu rezolusaun Governu nian ne’ebé bandu organizasaun no realizasaun serimónia fúnebre iha edifísiu sira iha ne’ebé instala órgaun ka servisu administrasaun direta no indireta Estadu iha memória funsionáriu ajente ka traballadór sira administrasaun públika nian", dehan Fidelis iha Palásiu Governu, kuarta (22/09).

Projetu Rezolusaun ne'e aprezenta husi Primeiru Ministru (PM), Taur Matan Ruak, ba Konsellu Ministru hafoin halo análise ba aprezentasaun kona-ba pontu situasaun epidemiolojia nasaun ne'e nian.

Primeiru Ministru aprezenta ne'e bainhira, sidadaun ka ajente pesoál husi administrasaun públika ida mak mate, halo proibisaun lori ba edifísiu funsionáriu sira.

Maibé funsionáriu sira mak tenke vizita família ajente ka pesoál ne'ebé mak hakotu nia peregrinasaun nu'udar funsionáriu ida.

"Karik funsionáriu ida mate administrasaun publika nian direta ka indireta ita sira ne'ebé mak moris sei ba vizita hanesan orgaun Xefia sira mak ba, la'ós mate mak mai vizita fali ita, agora ida ne'e aplika ba funsionáriu sira", afirma nia.

Prátikamente ne'ebé mak dadaun ne'e hala'o iha públiku ladún hatudu imajen di'ak iha saúde públiku nian tanba ida ne'e mak Governu kria rezolusaun ida ne'e atu halo proibisaun.

Liuhusi rezolusaun ne'e deside orgaun servisu administrasaun sira ne'ebé mak ajente estadu nian limita atu halo serimónia fúnebre sira liuhusi direta no indireta iha administrasaun públika. (*)