"Se mak dehan la hamutuk? Ida-idak iha nia fatin mas hotu-hotu hamutuk iha Timor-Leste," dehan Sekretáriu Jerál Fretilín ne'e bainhira asiste seremonia komemorasaun tinan 44 FALINTIL, Tersa (20/08/19) iha Kuartél Jenerál F-FDTL, Fatuhada, Díli.
Desde tinan 2017, líder partidu FRETILIN, sempre lansa atake, liu husi media social facebook, hasoru Kay Xanana Gusmao, maibé, molok ne'e, bainhira FRETILIN kandidata-aan ba Prezidente Repúblika, hetan Apoiu mos husi Komandante em Xefe, ne'ebé to'o ikus mai, rejeita fó pose ba membru partidu CNRT, ne'ebé mak integra ka hola parte mos iha membru VIII Governu Konstitusional, hodi hakanek liu tan entre Kay Xanana Gusmao ho líder partidu FRETILIN, tanba ne'e, iha eventu nasionál sira ne'ebé organiza ka partisipa husi líder partidu FRETILIN, hanesan Francisco Guterres Lu-Olo no Sekretáriu-Jerál Mari Alkatiri, sei la marka prezensa husi Kay Xanana Gusmao ka Kay Xanana Gusmao sempre falta ka auzénsia