Login to your account

Username *
Password *
Remember Me

Akuza Xefe Suku Deside UKL, Joaquim Konsidera Deputadu PLP Aprezenta ‘Liafalsu’

Xefe Suku Afaça, Joaquim Fernandes Ximenes. Xefe Suku Afaça, Joaquim Fernandes Ximenes. Foto Suplay

Tempotimor (Dili)-Xefe Suku Afaça, Joaquim Fernandes Ximenes, konsidera deputadu bankada Partidu Libertasaun Popular (PLP), Noe da Silva Marçal "Buka Tuir" aprezenta liafalsu iha plenária Parlamentu Nasionál (PN), tanba halo akuzasaun falsu hasoru autoridade suku Afaça hodi dehan projetu hari’i Uma Kbi'it La'ek (UKL) iha Aldeia Uekubuti, Suku Afaça, Postu Administrativu Kelikai, Munisípiu Baukau deside husi xefe Suku rasik.

"Uma kbi'it la'ek ne'ebé mak ami fó ba populasaun sira, ne'e sistema PNDS, e ami bazeia ba matalan PNDS nian. No ami hatete katak deputadu Parlamentu Nasionál husi bankada PLP, mai iha Afaça iha sábadu semana kotuk bá, ne'ebé foin halo deklarasaun iha Parlamentu Nasionál ne'e, nia bosok de'it", dehan nia liuhusi telefone ba www.tempotimor.com, segunda (20/09).

Dadauk, komunidade kbi'it la'ek ne'ebé sei sai benifisiáriu iha projetu UKL ne'e hamutuk na'in-tolu, husi totál lista 27 ne'ebé mak xefe aldeia sira aprezenta ba ekipa suku no ekipa Postu nomós Ekipa Mata-dalan husi PNDS.

Bainhira foti desizaun,  Ekipa konzunta husi Suku, Postu no Mata-dalan PNDS mós tun kedas ba rekolla dadus ba lista-27 ne'ebé aprezenta husi xefe aldeia sira depois mak halo verfisikasaun hotu hafoin deside.

Dadauk ne’e Benifisiáriu na'in-3, hanesan Jose Vital Ximenes, Izaura Ximenes, no Carmelinda Ximenes, iha suku refere.

Benifisiariu Jose Vital Ximenes, tanba nia hela mesak iha uma ida ho nia oan feto ida, nomós Izaura Ximenes, nia hela iha uma talin ida, ho nia oan ida. Ikus liu mak Carmelinda Ximenes, hela iha uma ida, maibé nia hela hamutuk ho nia oan feto ida, tanba ninia uma rasik didin ho kalen maibé naksobu ona.

"Ami vefikasaun ne'e bazeia ba ekipa ne'ebé tun hamutuk ho ekipa PNDS, ekipa suku nian ho ekipa Postu, depois mak ami verifika", dehan nia.

Maibé iha prosesu rekoilamentu ba dadus ne'e, ekipa Suku, Postu no Ekipa Mata-dalan PNDS nian mós akompaña hodi tun ba verifika uma kbi'it la’ek sira iha Uekubite, mak momentu ne'e foti desizaun bazeia ba dadus, ne'ebé verifikadu, tanba populasaun husi suku Afaça, liliu aldeia Uekubuti haree ba lista ne’ebé xefe aldeia aprezenta ne'e hamutuk 27, husi uma lisan hamutuk 24.

"Depois rekoilla dadus, ami mai verifika iha suku, ne'e ekipa hothotu tun halo verifisikasaun, ema ne'ebé mak merese atu hetan uma ne'e ema ne'ebe mak ami verifika tiha ona", dehan nia.

Deputadu bankada Partidu Libertasaun Popular (PLP), Noe da Silva Marçal "Buka Tuir" hatete, projetu hari’i uma kbi'it la'ek iha suku Afaça, tuir kritériu ne'e tenke fó ba ema hirak ne'ebé mak laiha duni kbi’it, la'ós atu fó fali ba ema ne'ebé ninia oan sira funsionáriu, F-FDTL, no balun kondutór.

"Desizaun ida ne'e xefe suku ida naran Joaquim mak foti fali desizaun ida ne'e atu fó fali ba ema ida ne'ebé ohin ha’u mensiona ne'e. Loloos ne'e uma kbi'it la’e ne'e fó duni ba ema ida ne'ebé kbi'it la'ek", dehan nia. (*)

Rate this item
(0 votes)
Last modified on Monday, 20 September 2021 15:36
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« February 2023 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28          

Tempo Timor Networks

Online Counter