Print this page

Kadidatura PR, PLP Sei Hein Konferénsia Munisipál

By September 18, 2021 2090
Bandeira Partidu Libertasaun Popular (PLP). Bandeira Partidu Libertasaun Popular (PLP). Foto Suplay

Tempotimor (Dili)-Partidu Libertasaun Populár (PLP) dadauk seidauk deside nia kandidatura ba Prezidente Repúblika (PR) periodu tinan 2022-2027, tanba sei hein konferensia munisipál partidu nia.

"Tanba ne'e, iha tempu badak ami sei halo konferénsia munisipál, atubele halo abordazen ba kestaun sira ne'e. Nune'e sei husu opiniaun ba konfrentista sira, husi estrutura munisípiu nian, iha posibilidade ka la’e PLP apoiu naran ruma ou PLP laiha knadidatura", dehan Vise Prezidente Konsellu Polítika Nasionál (CPN), Francisco de Vasconselho, iha sede Partidu Libertasaun Populár (PLP), Metiaut, sábadu (18/09).

Tanba, ho prosesu ida ne'e públiku tomak mós akompaña no hatene katak molok kongressu nasionál, tenke tama uluk konferénsia munisipál.

Maibé Kongressu Nasionál mak halo iha fulan-janeiru 2022 entaun dezembru 2021 nia laran PLP tenke halo ona konferénsia Munisipál, mak foin bele hatene katak opiniaun sira mai husi baze ne'e sira-nia hakarak saida.

"Ita hotu hatene katak, eleisaun prezidensiál ne'e kan iha marsu 2022, siknifika 30 dias molok eleisaun, Prezidente Repúblika dekreta, loron eleisaun prezidente. Ne'ebé, sé dekreta iha dia 1 iha fulan-janeiru nia laran, mak kona-ba data eleisaun prezidensiál, partidu sira mós komesa ona halo konferénsia para oinsá iha kandidatu ou la’e", esplika nia.

Tanba ne'e, kandidtaura husi Partidu Libertasaun Popular nian, sei foti desizaun depende ba kongresu. (*)

Rate this item
(1 Vote)
Last modified on Saturday, 18 September 2021 20:14
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items