Print this page

MAPKomS Husu Komunidade Madabenu Fiar Estadu

By September 18, 2021 2035
Ministru Asuntu Parlamentár no Komunikasaun Sosiál (MAPKomS), Francisco Martins Jerónimo. Ministru Asuntu Parlamentár no Komunikasaun Sosiál (MAPKomS), Francisco Martins Jerónimo. Foto Suplay

Tempotimor (Aileu)-Ministru Asuntu Parlamentár no Komunikasaun Sosiál (MAPKomS), Francisco Martins Jerónimo, husu ba komunidade iha suku Madabenu, Postu Administrativu Laulara, Munisípiu Aileu, atu fiar informasaun husi Governu kona-ba vasina kontra Covid-19.

Tanba durante ne’e, informasaun falsa (hoax) ne'ebé influénsia komúnidade sira atu labele simu vasina maibé rona mak autoridade komunitária no parte kompetente sira hodi koopera ho Estadu ba simu vasina.

"Husu ba komunidade sira iha suku Madabenu, liliu iha Postu Laulara tomak, atu labele rona lia falsa ne’ebé influénsia komunidade sira iha baze, atu labele simu vasina, maibé husu atu rona autoridade komunitáriu no autoridade kompetente sira kona-ba meius saida de’it hodi prevene-an husi Covid-19, taba ne’e husu ba inan aman sira atu koopera ho estadu liliu Governu no rona informasaun sira husi Governu hodi fó susesu ba kampaña vasina”, dehan Francisco Martins iha suku Madabenu, kinta (16/09).

Tanba liuhusi kampaña vasina mak bele konxiensializa populasaun tomak hodi bele hakbesik an ba sentru vasinasaun atu simu vasina.

Haree ba moras ne’e hanesan, pandemia globál no sai preokupasaun mundu tomak ninian, nune´e dalan úniku atu fó protesaun ba inan aman, oan sira, mak liuhusi vasina, tanba vasinasaun Covid-19, bele hasa'e imunidade komunidade nian hodi prevene infesaun moras kontajioza ne'e.

Reprezentante Komunidade António A.Amaral deklara, nia parte sei koopera ho Governu hodi simu vasina no durante ne'e nia la brani simu vasina Covid-19 tanba tauk ho informasaun falsa ne'ebé influénsia nia

"Ami tauk lakohi simu vasina tanba rona katak simu vasina ita sei mate, maibé ohin loron ami rona direita husi Governu katak vasina ne'e seguru, nune'e ha'u rasik sei partisipa iha vasinasaun Covid-19”, dehan nia.

Diretór Saúde Munisípiu Aileu, Julio dos Santos hatete, Aileu komesa simu vasina aumenta, bainhira ho prezensa MAPKOMS halo sosializasaun Kampaña vasinasaun covid-19 iha Postu Remexiu no Aileu Vila.

"Durante ne'e Aileu númeru menus kompara ho munisípiu seluk, maibé komesa husi MAPKomS  halo kampaña nasionál husi Postu Remixiu to’o mai Postu Vila ne'e kedas, vasinasaun númeru munisípiu Aileu nia sa'e maka’as”(*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items