Login to your account

Username *
Password *
Remember Me

CNRT Rezeita Apoiu Kandidatu Balun ba Prezidente Repúblika

Membru husi Komisaun Polítika Nasionál-Partidu CNRT hala'o hela Konferiensia Imprensa iha  Sede Nasionál Bairro dos Grillus, sesta (17/09). Membru husi Komisaun Polítika Nasionál-Partidu CNRT hala'o hela Konferiensia Imprensa iha  Sede Nasionál Bairro dos Grillus, sesta (17/09). Foto Tempo Timor

Tempotimor (Díli)-Vise Prezidente Partidu Congressu Nasionál de Reconstrução de Timor (CNRT), Virgílio Smith informa, Partidu CNRT rezeita informasaun kona-ba Prezidente Partidu, Kay Rala Xanana Gusmão no Partidu CNRT rasik apoia ona kandidatu balun atu avansa ba eleisaun Prezidente Repúblika (PR) tinan 2022.

"Kona-ba informasaun nebé la'o hela iha públiku nia let, katak Maun Boot Kay Rala Xanana Gusmão ka katak Partidu CNRT rasik, apoia daudauk ona ka sei apoia kandidatu balun, Komissaun Politika Nasionál, husi Partidu CNRT, mai deklara, iha ne'e, katak buat né hotu la loos no mesak lian falsu", dehan Vise Prezidente, iha Sede Nasonál Partidu CNRT, Bairro dos Grillus, esta (17/09).

Tanba ne'e situasaun polítika atual, membru sira husi Konferénsia Nasionál Partidu CNRT sei reune, iha oportunidade ne’ebé los, ho hanoin atu deside kona-ba kandidatu ne’ebé Partidu sei apoia iha Eleisoens Prezidensiál.

"Nu'udar Partidu polítiku ida, CNRT defende katak tenke tuir didi’ak regra ne'ebé prevé ona iha ninia estatutu, tan ne'e hakarak informa ba públiku em jerál no ba militante Partidu nian, em partikular, katak Partidu, liuhusi ninia orgaun másimu, ne'ebé hatúr ona iha ninia Estatutu, sei hasai desizaun ruma, iha tempu ne'ebé oportunu, kona-ba kandidatu ida ne'ebé maka Partidu sei fó ninia apoiu polítiku tomak, ho missaun atu salvaguarda Estado de Direito Demokratiku, tuir sáida mak hakerek ona iha Konstituisaun RDTL-nian", hatete nia.

Maibé Komisaun Politika Nasionál mós fó hatene ba públiku katak, Partidu CNRT seidauk no sei la orienta kualker partidu ida atu lori fali Prezidente Partidu CNRT nia naran hodi fó apoiu ba partidu sira ne’e. (*)

Rate this item
(3 votes)
Last modified on Friday, 17 September 2021 11:10
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« January 2022 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Tempo Timor Networks

Online Counter