"Parlamentu Nasionál seidauk hanoin atu sosa karreta”, dehan Prezidente Komisaun C trata asuntu Finasa Públika, Maria Angelica Rangel, iha Parlamentu Nasionál, kinta (16/09).

Tanba tetu orsamentu privativu ne’ebé Konsellu Administrasaun  aprova ba Parlamentu Nasionál ba tinan fiskál 2022, ho hamutuk millaun US$14.6.

Nune'e Komisaun C  ne’ebé toma konta ba finansa públika, sei bolu hikas Sekretáriu Jerál PN, atubele klarifika alokasaun privativu ba PN iha tinan 2022 ne'e atu aloka ba katogória saida de’it.

"Iha orsamentu ida ne'e ha’u hakarak ko’alia katak, ami sei bolu sekretáriu jerál ne’ebé mak halo jestaun ba PN, hodi halo audénsia, atu husu katak orsamentu sira ne'e aloka ba saida. Tanba ne'e mak ita seidauk iha desizaun finál iha komisaun, no iha plenária”, dehan nia.

Maibé PN hola karreta, parese sosa karreta operasionál sira tanba karreta ne’e balun at hotu ona, no deputadu sira, balun mós seidauk simu karreta.

Iha ne'e, kuandu Komisaun halo proposra orsamentu privativu ba 2022, kada komisaun espesializada la prevé osan ba orsamentu viajen estranjeiru, tanba situasaun ida ne’ebé mak estadu hasoru, labele ultrapasa ka labele la'o sai.

Nu’udar Estadu, orsamentu ne'e nafatin prevé ba viajen estranjeiru ne’ebé iha, hodi atende konvite husi Estadu nasaun sira seluk.

"Ita hatene katak orsamentu iha komisaun, viajen estranjeiru laiha, mais iha Parlamentu Nasionál, tenke tau mós verba ida tuir lei, tau verba ida iha viajen estranjeiru atu atende konvite Estadu nian hodi ba representa estadu iha liur", afirma nia. (*)