Print this page

Molok Ró Berlin Ramelau Mai TL, Ekipa Tékniku Tenke Halo Inspesaun Uluk iha Xina

By September 17, 2021 2099
Ro Berlin Ramelau. Ro Berlin Ramelau. Foto Suplay

Tempotimor (Díli)-Ministru Transporte no Komunikasaun (MTK), José Agostinho da Silva hatete, nia parte hakarak Ró Berlin Ramelau antes to'o iha Timor-Leste (TL) iha fulan-Outubru tinan 2021, ekipa tékniku sira ba halo uluk inspesaun iha nasaun Xina.

"Tuir data ne'ebé mak iha dehan loron 11 fulan-outubro mai ita haree, se kuandu laiha mudansa ruma loron 11 ne'e mais mak ne'e antes Ró ne'e mai ha'u hakarak ekipa tékniku ne'ebé tenke desloka ba Xina hodi halo inspesaun ba Ró ne'e, antes ké Ró ne'e mai”, dehan Agustinho hafoin reuniaun ho Primeiru Ministru, Taur Matan Ruak, iha Rezidénsia Faról, kinta (16/09).

Tanba inspesaun ne'ebé halo atu haree Ró tenke prense kritéria organizasaun Nasionál Marrítima ne'ebé Timor-Leste mós adopta inklui nia kondisaun sira, tanba investe orsamentu ne'ebé boot.

" Se seidauk di'ak haruka hadi'a kedas iha ne'ebá, di'ak tiha mak mai, se kuandu ekipa ne'e la bá Ró ne'e to'o tiha mai, lakleur ró ne'e aat fali ne'e labele", hatete nia.

Orsamentu ba Ró Berlin Ramelau ne'e kontra partida husi Governu Alemaña investe millaun Euro 7 parte Governu Timor-Leste investe orsamentu kuaze millaun US$14.8. (*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items