Print this page

KM Aprova Akordu MAP-KOICA ba Partisipasaun Sekuénsia Valór Agríkola

By September 16, 2021 2333
Reuniaun Konsellu Ministru iha Palasiu Governu momentu liuba. Reuniaun Konsellu Ministru iha Palasiu Governu momentu liuba. Foto Suplay

Tempotimor (Díli)-Governu liuhusi Konsellu Ministru aprova ona selebrasaun akordu ho Ministériu Agrikultura no Peskas (MAP) no Korea International Cooperation Agency (KOICA) atu hadi’a sekuénsia valór agríkola iha Timor-Leste ho durasaun tinan lima.

"Aprova selebrasaun akordu ida entre Ministériu Agrikultura no Peskas no KOICA, kona-ba projetu, ne’ebé sei hala’o entre tinan 2021 to’o 2025, atu hadi’a sekuénsia valór agríkola liuhusi partisipasaun agrikultór sira-nian iha Timor-Leste”, dehan Ministru Prezidensia Konsellu Ministru, Fidelis Leite Magalhães, hafoin reuniaun Konsellu Ministru iha Palásiu Governu, kuarta (15/09).

Iha akordu ne’e prevé mós asisténsia téknika no fornesimentu materiál sira, husi KOICA, ho montante totál besik millaun 6.

Projetu ida-ne’e sei kontribui hodi hasa’e setór agríkola no ortíkola, atu hasa’e produtividade agríkola nian iha área prioritária sira, atu estabelese infraestrutura produsaun agríkola no hasa’e kapasidade produsaun agríkola,

Iha ne’e mós permite asesu ba merkadu produtu lokál, hadi’a instalasaun venda no distribuisaun, nune’e mós kapasidade komersializasaun agríkola nian. (*)

 

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items