Print this page

GASS Selebra Akordu Subvensaun ho Grupu Komunitária 79

By September 15, 2021 671
Koordenadór Gabinete Apoiu Sosiedade Sivíl (GASS), Filipe da Costa. Koordenadór Gabinete Apoiu Sosiedade Sivíl (GASS), Filipe da Costa. Foto Suplay

Tempotimor (Díli)-Koordenadór Gabinete Apoiu Sosiedade Sivíl (GASS), Filipe da Costa hatete, organizasaun Komunitária no rezisténsia hamutuk 79 selebra akordu subvensaun  atu suporta Governu implementa programa hodi asegura ai-hán seguru nutrisaun populasaun iha Timor-Leste.

"Iha grupu terseiru ida ne'e nia laran ne'e iha organizasaun iha baze komunitária iha 51 no organizasaun rezisténsia ne'ebé hetan benefisiáriu iha Apoiu Sosiedade Sivíl ne'e  28, objetivu husi akordu ne'e fó apoiu ba grupu sira inklui komunidade hodi suporta Governu atu asegura ai-hán ne'ebé seguru nia nutrisaun ba nia populasaun sira”, dehan Filipe da Costa iha Palásiu Governu, tersa (14/09).

Tanba husi ajudu sira ne'e bele apoiu komunidade sira atu hetan rendimentu loroloron nian, inklui mós ba organizasaun advokasia seluk sira atu garante nia governasaun iha rai laran.

"Ajuda no tulun komunidade hetan rendimentu uma-kain ninian nune'e mós atubele tulun ita-nia organizasaun liiga ba advokasia hodi tau matan ba servisu públiku sira atu asegura boa governasaun iha ita-nia rain ba direitu umanu demokrátika iha tempu oin mai”, esplika nia.

Atividade sira ne'ebé mak grupu sira hala'o hanesan ortikultura, no grupu seluk ne'ebé instalasaun bee-moos ba komunidade sira iha suku laran no iha grupu balun ne'ebé fó formasaun ba grupu agrikultór seluk. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items