MAPKomS Husu Komunidade Liurai Ignora Informasaun 'Hoax'

Ministru Asuntu Parlamentar no Komunikasaun Sosiál (MAPKomS), Francisco Martins Jerónimo. Ministru Asuntu Parlamentar no Komunikasaun Sosiál (MAPKomS), Francisco Martins Jerónimo. Foto Suplay

Tempotimor(Aileu)-Ministru Asuntu Parlamentar no Komunikasaun Sosiál (MAPKomS), Francisco Martins Jerónimo, husu komunidade suku Liurai, Postu Administrativu Aileu-Vila, Munisípiu Aileu, atu ignora informasaun hoax (falsu), tanba dalabarak iha ema inresponsabilidede lansa iha mídia sosiál.

"Ita-boot sira rona informasaun barabarak, ne'ebé to’o iha ita-boot sira-nia tilun hodi halo ita-boot sira tauk lakohi simu vasina, maibé ha'u atu dehan de'it katak informasaun sira ne'ebé to’o mai iha ita-boot sira ne'e, informasaun ne'ebé laiha responsabilidade, nune'e keta rona no fiar”, dehan Francisco Martins iha Aldeia Quirilelo bainhira halo kampaña nasionál vasinasaun Covid-19, tersa (14/09).

Tanba iha ema balun mai fó hatene ba komunidade sira katak vasina ne'e la di'ak no sei hamate ema maibé sira rasik iha kotuk simu vasina.

"Liafuan falsu no liafuan inresponsabilidade mai atu inventa, mai atu hatauk ita-nia inan aman sira, hodi labele simu vasina, sim iha ema balun ne'ebé lansa info katak labele simu vasina, maibé sira iha kotuk simu hela, ida ne'e mak ita hanoin la di'ak ne’e", dehan nia.

Nune'e husu komunidade sira atu kolabora ho Governu hodi bele simu vasina, nune'e ho prezensa MAPKomS ne'e mós la'ós atu mai terror komúnidade sira, maibé mai fó informasaun ba komunidade, tanba Estadu ida ne'e mai atu fó informasaun lolos ba nia sidadaun sira, hodi proteze nia komunidade sira hodi sira bele moris saudável.

Reprezentante Komunidade, Domingas dos Santos hatete, Suku Liurai porsentu vasinasaun Covid-19 ne'e ki’ik liu, tanba sira rasik tauk bainhira rona informasaun husi ema seluk katak simu vasina vida sei badak.

Maibé ho espliksaun MAPKomS nia, sira komprende no sira sei kolabora ho pesoál saúde hodi bele simu vasina iha loron tuir mai

"Ami la vasina tanba ami tauk, no iha informasaun balun ne'ebé ami rona katak simu vasina la to’o tinan rua sei mate, no ami-nia oan joven sira sona sei la hetan oan, tanba ne'e ami tauk no la hakbesik liuba sentru saúde, maibé ha'u rasik kontente los ho prezensa MAPKomS nia, tanba ha'u komprende ona oinsá benefisiu husi vasina ne'e rasik, no ha'u rasik agora prontu ona atu simu vasina”, deklara nia. (*)

Rate this item
(0 votes)
Last modified on Tuesday, 14 September 2021 22:18
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« September 2021 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30      

Tempo Timor Networks

Online Counter