Login to your account

Username *
Password *
Remember Me

MAPKoms Kampaña Vasinasaun Covid-19 iha Quirilelo

MAPKomS, Francisco Martins Jerónimo (klaran), halo Kampaña Nasionál Vasinasaun Covid-19 iha aldeia Quirilelo, Suku Liurai, Postu Administrativu Aileu-Vila, Munisípiu Aileu, tersa (14/09). MAPKomS, Francisco Martins Jerónimo (klaran), halo Kampaña Nasionál Vasinasaun Covid-19 iha aldeia Quirilelo, Suku Liurai, Postu Administrativu Aileu-Vila, Munisípiu Aileu, tersa (14/09). Foto Tempo Timor

Tempotimor(Dili)-Ministru Asuntu Parlamentar no Komunikasaun Sosiál (MAPKomS), Francisco Martins Jerónimo,halo Kampaña Nasionál Vasinasaun Covid-19 iha Aldeia Quirilelo, Suku Liurai, Postu Administrativu Aileu-Vila, Munisípiu Aileu.

"Ohin loron mundu mate barak tanba pandemia Covid-19, nune'e ohin ha'u mai atu ko'alia ho ha'u-nia inan aman sira, no husu ba ita-boot sira hodi rona informasaun kona-ba vasinasaun nia, nune'e bele hakbesik-an ba simu vasina, tanba ita-boot sira mak orsida risku boot liu, ita-boot sira imunidade menus ba beibeik, tanba ne'e moras kuandu to’o mai ita laiha tan eskapa/salva, se ita la vasina”, dehan Francisco Martins iha aldeia Quirilelo, tersa (14/09).

Tanba ne'e ho Kampaña nasionál oinsá atu Sensibiliza informasaun ba komunidade hodi konsensializa komunidade suku Liurai tomak atubele simu vasina:

Ho ida husu ba komunidade sira bainhira kampaña nasionál ne'e hotu, hakbesik-an ba hodi simu vasina, vasina ne'e la'ós buat aat, maibé vasina ne'e buat di'ak ba ema hotu hodi luta hasoru pandemia Covid-19.

"Se ita hakarak la'o ba mai livre ho avontade ita presiza iha imunidade, tenke liuhusi vasina se la vasina ita laiha imunidade atu hasoru moras Covid-19 ho nia variante foun tanba moras ne'e moras ida ne'ebé perigu tebetebes, nune'e ha'u fiar Kampaña nasionál ne'e bele konsensializa ita-boot sira hodi bele simu vasina”, dehan nia.

Administradór Postu Aileu-Vila, Marcos dos Santos haksolok ho prezensa MAPKomS nia iha suku liurai, tanba komunidade suku Liurai ne'e maioria la vasina, no la hetan informasaun.

"Agradese wain tebes ba MAPKomS, tanba la'o dook maibé la sente kolen hodi mai sensibiliza nafatin informasaun ba nia povu sira, ami fiar ona katak ami sei bele atinje tarjetu ne'ebé iha”, hatete nia.

Xefe Suku Liurai, Martinho da Costa, lori komunidade suku Liurai nia hato'o agradese ba Governu ne'ebé liuhusi MAPKomS halo kampaña nasionál vasinasaun Covid-19 iha suku Liurai.

"Agradese ba VIII Governu liliu MAPKomS, tanba ami-nia suku ne'e kleur laiha líder boot ida mak mai atu fó hatene ami objetivu lolos husi vasina ne'e, tanba ne'e ami kontente, hodi lori komunidade nia naran hato'o Agradese wain”, dehan nia. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter