Login to your account

Username *
Password *
Remember Me

Timor-Leste Lutu ba Eis PR Portugés Jorge Sampaio Durante Loron Tolu

Governu hasa’e Bandeira Nasionál to’o klaran de’it ka meia haste iha Palásiu Governu durante loron tolu. Governu hasa’e Bandeira Nasionál to’o klaran de’it ka meia haste iha Palásiu Governu durante loron tolu. Foto Tempo Timor

Tempotimor (Díli)-Povu Timor-Leste fó sentidu kondolensia hodi deside lutu nasionál ba eis Prezidente Repúblika (PR) Portugés, Jorge Sampaio nia mate durante loron tolu.

Tanba, Konsellu Ministru hala’o sorumutuk hodi delibera dekreta Luto Nasionál ba antigu Prezidente Repúblika Portugeza Jorge Sampaio nia mate, iha teritóriu nasionál laran tomak, ba períodu loron tolu, to’o tuku 07.59 loron 16 fulan-setembru, hodi hasa’e Bandeira Nasionál to’o meia haste iha laran tomak, fatin sira uzu obrigatória nian.

Ministru Prezidénsia Konsellu Ministru, Fidelis Leite Magalhães hatete, Jorge Sampaio, mate iha loron 10 fulan-setembru, ema ida ne’ebé mak relevante tebes hodi defende povu no valór konstitusionál Timor-Leste nian.

"Primeiru Ministru, iha loron sesta, afirma katak Jorge Sampaio “hanesan Prezidente ida ne’ebé kontribui maka’as ba Restaurasaun Independénsia Nasionál, iha ne’ebé nia mai nu’udar konvidadu da onra iha serimónia ne’ebé hala’o iha loron 20 fulan-maiu tinan 2002”. Xefe Governu mós hatete tan katak “Eis Prezidente Jorge Sampaio sei lembra iha Mundu nu’udar figura boot iha kauza no liberdade no rekoñese nu’udar Belun Boot Timor-Leste no timoroan nian”, dehan Ministru Fidélis liuhusi komunikadu ne'ebé www.tempotimor.com asesu, segunda (13/09).

Iha Jorge Sampaio ninia vizita ikus nu’udar Xefe Estadu Portugal iha tinan 2006, Parlamentu Nasionál Timor-Leste atribui títulu Sidadaun Onoráriu Repúblika Demokrátika Timor-Leste ba nia.

Tanba ne’e, iha loron sesta (10/09) semana kotuk, aprezenta kondolénsia ba família no belun eis-Prezidente Portugeza.

“Jorge Sampaio sempre rekordadu husi povu Timor ba ninia kompromisu ne’ebé kle’an ba direitu umanu, justisa no solidariedade”, hatete nia.

Iha tinan 2016, Jorge Sampaio simu kondekolasaun Grande Kolar Ordem Timor-Leste, nu’udar rekoiñesementu ba ninia solidariedade no apoiu ativu” iha luta ba independénsia Timor-Leste.

Kondekorasaun ne’e entrega husi Primeiru Ministru atuál ne’ebé iha momentu ne’ebá hanesan Prezidente Repúblika, Taur Matan Ruak, iha Lisboa.

Primeiru Ministru, Taur Matan Ruak, manifesta “rekoñesimentu kle’an ba umanizmu, espresaun solidariedade ne’ebé barak tebes no apoiu ativu durante tinan barak, fó-moris ba luta ba liberdade, autodeterminasaun no independénsia Timor-Leste nian. (*)

Rate this item
(0 votes)
Last modified on Monday, 13 September 2021 12:53
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter