SEPFOPE – ISAT Haruka Estajiariu Timoroan 6 Ba Austrália

SEPFOPE – ISAT Haruka Estajiariu Timoroan 6 Ba Austrália ^Featured

By Tempo Timor August 17, 2019 2172

font size decrease font size increase font size
Print
Email

Sekretáriu Estadu Formasaun Profisionál no Empregu SEFOPE Julião da Silva Sexta-feria ne’e iha Aeroportu Nicolao Lobato despedida joven nain ne’en (6) ne’ebé hetan oportunidade servisu ho skema sistema “traineeship” atu aprende oinsa maka implementa prosesu Rekoñesimentu ba Aprendizazen anterior ka RPL (Recognition of Prior Learning)., (16/08) Foto Sefope

Tempotimor (Díli) – Estajiariu nain neen (6), Sesta (16/08/19) desloka ba Austrália hodi tuir formasaun iha Perth, Austrália durante semana rua. Sira sei tuir programa rekoñesementu aprendizajen anterior (recognition of prior learning), hodi aprende kona-ba prosesu aplikasaun ba visa.

Tuir Diretór Jerál ba Polítika no Formasaun Profesionál e Empregu katak, objetivu husi programa estajiu ida ne’e mak bele fasilita Timoroan sira, hodi hakbiit sira nia abilidade iha área aplikasaun visa mundiál, hodi nune’e bele halo prosesu vistu ba Timoroan sira atu ajuda Timoroan sira ne'ebé hakarak ba servisu iha rai liur no bele aplika ba programa IMS (Internasional Mobility Service).

“Rekoñesimentu aprendizajen anterior ne’e, ho objetivu katak sira bele ba aprende durante semana rua iha Perth, Austrália ne'ebá, kona-ba visa nian no isu visa ba Timoroan sira ne'ebé hakarak ba servisu iha rai laran,” hateten Paul iha nia servisu fatin, Sexta (16/08/19).

Prosesu rekrutamentu ba Timoroan hirak ne’e, na’in rua husi SEPFOPE no na’in haat seluk liuhosi selesaun ne'ebé hala’o husi ISAT no Fundu Kontrapartida hodi ba tuir formasaun refere.

Entretantu, realizasaun programa ida ne’e, inisiativa husi Sekretáriadu Téknika Fundu Kontrapartida liuhosi parseria hamutuk ho SEPFOPE. Formasaun ne’e rasik fasilita husi sentru formasaun ISAT iha programa IMS (International Mobility Service).

Objektivu husi programa estajiu ka “Traineeship” ida ne’e atu prepara foinsae Timor-oan mane no feto sira hodi bele hetan servisu no tulun atu sira kompriende no valoriza abilidade hirak ne’ebé sira iha tiha ona.

Programa ne’e mós tulun sira atu rekoñese abilidade adisionál balun ne’ebé presiza tan atu prepara hodi asegura individual ida-idak prontu atu servisu ne’ebé indikadu iha Timor laran no mós iha rai liur.

Formasaun iha servisu fatin (on the Job) iha Austrália durante fulan sanulu resin rua (12) ho kompaña internasionál ne’ebé espesializadu iha área migrasaun internasionál nian, nune’e sira bele hare rasik oinsa maka eskema rekoñimentu ba aprendizazem anterior ne’e ligasaun ho prosesu aplikasaun visa iha mundu.

Rekonesimentu ba abilidade ne’ebé existe liuhusi prosesu aplikasaun visa ida ne’e sei fasilita tebes Timor-oan sira asesu ba oportunidade servisu internasionál ne’ebé ema hotu hakarak

Rate this item

(0 votes)

Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com