Sekretariu Estadu SEFOPE hamutuk ekipa despede Timor oan sira se'ebe arangka Australia iha aeroportu Dili (16/08)
Foto Midia SEFOPE
Tempotimor (Díli) – Sekretáriu Estadu Polítika Formasaun Profesional e Empregu (SEPFOPE) liuhosi Diresaun Jerál Polítika de Formasaun Profesional e Empregu halo despedida ikus traballadór Timoroan na’in 25, ne'ebé atu ba servisu iha Austrália, iha programa dahuluk Pacific Labour Scheme (PLS).
Tuir koordenadór programa no asesor ba programa empregu rai liur, Paulo de O. Rodrigues katak programa PLS ka pacific labour scheme nu'udar programa foun ida ne'ebé Governu Timor-Leste envolve an, hodi fasilita kampu servisu ba Timoroan sira, liuhosi kontrata ne'ebé asina husi australia no Timor Leste ne'ebe reprezenta husi SEPFOPE.
“Ita nia Sekretáriu Estadu mak ba asina MoU ne’e, iha dia 28 Marsu tinan ida ne’e. Governu Timor-Leste foin dala uluk haruka grupu traballadór ida ne’e, no kompañia Mildfield Group mak mai ona husu vaga,” hateten Paulo, Sesta (16/08/19) iha Sentru Formasaun Senai, Becora.
Paulo katak, prosesu rekrutamentu ba traballadór hirak ne’e liuhosi mekanizmu online, no aplikante ba vaga iha inisiu hamutuk atus ualu resin, maibé finalmente ema na’in 25 mak pasa no hetan oportunidade atu ba servisu iha rai liur. Kompostu husi mane 21 no feto 4.
Traballadór sira ne’e, sei ba servisu iha parte indústria na'an nian iha Victoria, Austrália iha kompañia Mildfield Group.
Iha fatin hanesan tuir, traballadór Bony Clau Guterres (30) katak nia sente kontente tebes tanba bele hetan oportunidade di’ak hodi ba servisu iha Austrália no preparadu tebes atu halo deslokamentu ba Austrália.
Nune’e mós Ana Pinto katak nia orgullu los ho oportunidade ida ne’e tanba bele hetan oportunidade servisu iha ema nia rai. “Ein prinsipal ha'u bele buka esperiensia foun iha fatin foun no industria foun. Hodi nune’e, loron ida bele loke aplika iha Timor,” Ana dehan.
Tempo Timor
Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.
Jornalista Jornal Tempo Timor, bandu atu hetan envelope ka sasan ruma husi fontes informasaun sira.
www.tempotimor.comRelated items
in English
Popular
Error: No articles to display
.