Loron 15 Setembru, PN Hahú Sesaun Lejislativa Da-haat

Deputadu sira tuir hela sala plenaria Parlamentu Nasional, momentu liuba. Deputadu sira tuir hela sala plenaria Parlamentu Nasional, momentu liuba. Foto Suplay

Tempotimor (Dili)-Parlamentu Nasionál (PN) deside hahú sesaun lejislatura da-haat, iha loron 15 fulan-setemebru tinan 2021.

Vise Prezidente PN, Maria Angelina Sarmento hatete, kona-ba periodu resesu ba deputadu sira ne'e sei termina iha loron 14 setembru, tanba ne'e deputadu sira sei halo uluk konvokatóriu ruma iha lider bankada nune'e retoma prosesu sensaun lejislativa ba dahat iha loron (15/9).

"Iha dia 15 de Setembru sei komesa fali nova sensaun lijislativa, ne'ebé realiza iha kuarta-feira, sei hala'o plenáriu ida maibé sei iha konvokatóriu ba realizasaun plenaria ne'e, tanba deputadu sira ne'ebé mak ba resesu, presiza iha konvokatóriu líder bankada ida para bele deside ajendamentu ba retoma prosesu kuarta sensaun lejislativa ne'ebé sei komesa fali iha dia 15 de setembro", dehan nia iha PN, kuarta (08/09).

Kona-ba prezensa Prezidente Repúblika (PR), Francisco Guterres "Lú Olo", ba prosesu retoma sensaun lejislativa da-haat ne'e, seidauk fiksu, tanba presiza halo kordenasaun.

Maibé Prezidente Parlamentu Nasionál (PN) fila husi nasaun Áustria, mak sei haree ajendamentuba ruma kona-ba prezensa Prezidente Republika nian.

"Nomós semana oin sei iha konvokatóriu ida, lider bankada nian, atu konvoka fali enkontru ida ne'e, hodi bele hetan mós prezensa husi Governu liliu Ministru Asuntu Parlamentares nian, dia 15 de setembru ne'e tanba monu kuarta-feira. entaun ne'e orariu ba plenaria extraordinária", dehan nia.

Durante atividade sensaun lejislativa datoluk ne'e, lei hirak ne'ebé Deputadu sira iha Parlamentu Nasionál hala'o ona aprovasaun mak hanesan lei ba resensiamentu eleitorál, lei ba eleisaun prezidensiál.

Aleinde lei ba Orsamentu Jerál Estadu, hanesan OJE 2020 nian nomós orsamentu retifikativu ne'ebé hetan ona aprovasaun iha fulan-abril, tinan 2021.

Enkuantu lei hirak ne'ebé agora dadauk konklui ona atu submete ba debate finál globál iha plenária, mak hanesan lei ba enkuadramentu orsamentu jerál estadu no jestaun finansas públika, no lei kona-ba funsionamentu orgaun judisiáriu, inklui lei kona-ba podér lokál no eleisaun munisipál.

Iha mós lei seluk ne'ebé sei halo hela diskusaun iha faze jeneralidade hanesan lei kona-ba protesaun ba labarik no joven iha perigu.

"Lei hirak ne'e mak sai alvu ba Parlamentu Nasionál ninia kna'ar iha, terseira sensaun lejislativa", informa nia.

Iha tinan 2021 ne'e Parlamentu Nasionál labele produz lei barak, tanba sempre atende hela diskusan Estadu Emerjénsia, ne'ebé Governu hato'o liuhusi Prezidente Repúblika (PR) ne'ebé kada fulan sempre husu autorizasaun ba PN.

"Atividade barak mak sakrifikadu, tanba ita hotu tenke kumpri regra Estadu Emerjénsia", hatete nia. (*)

Rate this item
(0 votes)
Last modified on Wednesday, 08 September 2021 22:21
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« October 2021 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter