Login to your account

Username *
Password *
Remember Me

SEKOMS Posse Membru Board Nain 3 Featured

Sekoms fo pose ba membru board RTTL.ep foun nain tolu ne'ebe besik liu ba governasaun AMP hodi substitui membru board sira ne'ebe uluk besik liu ba partidu sira maka ukun iha VII Governu konstituisaun. Tomada de pose ne'e hala'o  iha palasiu Governu (16/08) Sekoms fo pose ba membru board RTTL.ep foun nain tolu ne'ebe besik liu ba governasaun AMP hodi substitui membru board sira ne'ebe uluk besik liu ba partidu sira maka ukun iha VII Governu konstituisaun. Tomada de pose ne'e hala'o iha palasiu Governu (16/08) Foto Tempo Timor
Tempotimor (Dili) – Membru board nain tolu (3) simu ona tomada posse hosi Sekretariu Estadu ba Komunikasaun Sosial (SEKOMS) hodi ba hakna’ar iha Radio no Televizaun Timor – Leste, Empreza Públika (RTTL, E.P). 
 
Hafoin seremónia posse, SEKOMS, Mericio Akara fó sai politika governu nian katak, governu atual iha komitmentu ida forte tebes hodi haforsa no investe iha RTTL, E.P hodi bele hadi’ak liutan, atu nune’e bele fasilita sidadaun sira asesu informasaun ho di’ak no atual. 
 
“Tanba ne’e mak presiza estrutura ida forte hodi ezekuta politika no programa sira hodi hadi’ak liutan saida mak RTTL, E.P presija iha tempu oin mai,” hatete Akara iha salaun tomada posse, Palásiu Governu, Dili Sesta (16/08). 
 
Nia mós garante katak, membru board nain tolu ne’e, Ozorio Leque, João Batista Florindo, no Dilecto de A. da Costa Tilman (Paizinho Tilman) sei ajuda Prezidente Board RTTL, E.P hodi lori vizaun RTTL nian ba interese Estadu. Liliu hadia di’ak liutan programa sira hodi bele halo sidadaun sira sai orgullu iha sira nia nasaun rasik. 
 
“Atu ita nia sidadaun sira bele sente orgullu katak ukun rasik a’an ne’e mak di’ak liu. Ita espera katak programa sira ne’e bele promove di’ak liutan potensia positivu sira iha rai laran,” afirma Akara. 
 
Akara dehan nia diskursu ne’e atu garante nafatin liberdade imprensa, maibé sidadaun hotu inklui maluk Jornalista sira mós iha dever no obrigasaun hodi promove potensia positivu sira iha Timor – Leste liuhosi sira nia atividade jornalistiku, maibé nia mós husu no sujere ba RTTL, E.P atu hadia mós sira nia planu negósiu hodi bele hetan no produz rendimentu rasik.
 
“Fundus hosi governu ne’e laiha problema ida, no espera katak membru board sira ne’e bele ajuda di’ak liuan,” nia hatete. 
 
Iha fatin hanesan, Prezidente Board RTTL, E.P, Francisco Gari da Silva katak, nia laiha dúvida ba kapasidade membru nain tolu ne’e, tanba maioria iha koñesementu naton iha área jornalizmu, no mós iha área jestaun. 
“Ha’u koñese sira iha esperiensia iha media, no espera katak sei ajuda hadia di’ak liutan RTTL, E.P ba oin,” nia garante. 
 
Entretantu, reprezentante membru board, Ozorio Leque hatete, sira nain 3 sei serbisu besik liu Prezidente RTTL, E.P hodi ajuda ba iha área administrasaun, finansa no programa sira. 
 
“Maibé, molok to’o iha ne’eba ita presija hadia uluk ita nia uma laran mak hakat to’o ne’eba,” esplika Ozorio.
Rate this item
(0 votes)
Last modified on Friday, 16 August 2019 17:17
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter