Login to your account

Username *
Password *
Remember Me

Vasina Dalarua La Livre, KHUNTO Kontinua Hakilar Governu Halo Promesa 'Falsu'

Deputadu KHUNTO, Antonio Verdial. Deputadu KHUNTO, Antonio Verdial. Foto Suplay

Tempotimor (Dili)-Deputadu Bankada Kmanek Haburas Unidade Nasional Timor Oan (KHUNTO), Antonio Verdial, kontinua hakilar Governu ne’ebé lidera husi Primeiru Ministru (PM), Taur Matan Ruak, halo promesa falsu ba sidadaun sira, tanba simu ona vasina dalarua maibé la livre.

“Governu la konsisten ho promessa ne’ebé fó ona ba povo sira katak ema ne’ebé vasina dala rua la'o livre ona, maibe Ia konsisten halo povo sira terus no triste ba bebeik", dehan nia iha Parlamentu Nasionál, tersa (07/09).

Durante prosesu kombate Covid-19, Governu ladun kria kondisaun di'ak maibé kria fali dezempregu ba povu.

“Tambasá kria dezempregu tamba loja sira barak mak la hetan rendimentu ne’ebé boot, no sira hasai mak barak rendimentu laiha, loja sira komesa hamenus ema sira ne’ebé servisu”, dehan nia.

Aleinde kestaun seluk mak to’o oras ne’e, agrikultór sira iha rai laran hasoru difikuldade barak atu lori sira-nia produtu fa’an maibé laiha kondisaun hanesan transporte sira atu tula mai kapitál Dili, Konstrusaun sira paradu hotu tanba Iaiha ona osan atu sosa materiál sira.

Husu ba responsável másimu sira ba ajente Polísia Nsaionál Timor-Leste (PNTL) atu trata ema ho dignu, labele trata ema hanesan animál, tanba sidadaun no ema sira ne’ebé mak buka moris hodi fa'an modo iha dalan sira, tanba nesesidade mak obriga.

“Ita-nia ema sira ne’e presiza duni atu fa'an sira-nia modo sira tanba ita-nia kondisaun mak hanesan ne’e duni, no sira moris ho ida ne’e", hatete nia.

Rekomenda ba Governu liuhusi Ministériu Kompetente atubele kria kondisaun ho fasilidade sira ba povo sira ne’ebé mak presiza hodi fa'an sira-nia sasán, liliu kria kondisaun hodi sira bele kumpri nafatin ba regra sira hanesan mantein distansiamentu sosiál, fase liman, uza máskara.

“Husu atu ajente polísia sira atu trara ema ho dignu, tamba iha Kódigu Penál artigu 1450 ne’ebé mak refere ba krime ba ofensa itegridade fizika simples, iha nu 1 hatete katak ema ne’ebé mak baku ema ka saude ema nian ne’e punidu ho penál ba prizaun ka komarka to’o tinan 3 ka selu multa, ajente polísia sira mak reprezenta autoridade Estadu ho ida ne’e tenki fó ezemplu, labele baku ema konforme ajente sira-nia gostu", dehan nia. (*)

Rate this item
(0 votes)
Last modified on Tuesday, 07 September 2021 16:50
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter