"Hanesan PD (Partidu Demokratiku) ne'e tonka sira duni, bankada PD tonka sira para hodi sira hamutuk hodi ba. Agora, foin (02/09) dader ne'e ha'u tama mai mak ha'u foin hatene, dehan katak deputadu Aniceto, Luis, deputadu Kalohan, mak atu ba (Áustria)", dehan nia iha Parlamentu Nasionál (PN), kinta (03/09).

Maske, deputadu Aniceto, Luis, tuir teste swab iha Parlamentu Nasionál, konvida de'it bankada Partidu Demokratiku, maibé bankada CNRT sei mantein pozisaun lakohi hala'o viajen kuandu sira konvida hotu CNRT.

Bankada CNRT mós haree katak orsamentu ne'ebé atu hala'o viajen ne'e, sei foti husi orsamentu tinan 2022 nian, tanba orsamentu 2021 foin lalais kansela ona, katak deputadu sira sei la hala'o viajen ba rai liur.

Nu'udar opozisaun lamenta tanba hala'o de'it fiskalizasaun haree povu nia sorfimentu bandu, maibé membru PN hakarak halo viajen ba estranjeiru.

Enkuantu Magnifiku Reitór Universidade da Paz (UNPAZ), Adolmando Soares Amaral hatete, konsidera rezolusaun no lei ne'ebé Parlamentu Nasionál produz vale de'it ba povu.

"Ha'u hanoin buat ida hanesan ne'e labele akontese tan iha Timor ba oin. Podia sira mak tenke hatudu vontade ba regra ne'ebé sira halo, sira mak tenke sai ezemplar ba povu, la'ós povu mak sai fali ezemplar ba sira", hatete nia.

Tuir lolos, Prezidente Parlamentu Nasionál, konfirma komisaun organizadora husi Nasaun Áustria hodi kalrifika razaun Timor-Leste la partisipa iha konferénsia parlamentar ne'e.

Pozisaun labele marka prezensa tanba situasaun la permite. Tanba Parlamentu Nasionál mak nu'udar na'in hodi produz lei, no tenke sai ezemplar ba ninia povu.

Maibé buat hirak ne'e, Prezidentte PN la klarifika sai ba nasaun Áustria, ikus mai, sira rasik tenke kontra regra konfinamentu iha Timor-Leste. (*)