Tempotimor (Dili) – Hafoin de fulan lubun ruma Prezidente da Republika Francisco Guterres Lu Olo budu naran ba embaixadores sira iha Palasiu Ai Tarak laran, iha loron 14/08 PR husi Partidu FRETILIN ne'e fo pose ona ba embaixadores nain tolu ne'e tuir fungsionariu iha MNEk ema sira ne'e iha afiliasaun besik liu ba FRETILIN. Primeiru Ministru Taur Matan Ruak hatete, nia sei esforsu an atu haree, hadi'a no resolve kona-ba embaixadór sira seluk, ne'ebé to'o agora seidauk hetan tomada pose husi Prezidente Repúblika (PR).
"La'ós dezentendimentu. Maibé, iha balun presiza haree no hadi'a. Tanba ne'e mak ha'u husu ona para Ministériu Negósiu Estranjeiru no Kooperasaun (MNEK) bele fó tan informasaun ba Sua Exelénsia (Prezidente Repúblika) nia gabinete depois haree preparativus saida mak sira sei halo, para sira toma pose. Ne'ebé sei iha tempu," afirma PM Taur iha Palásiu Prezidensiál Bairru-pite, Kinta (15/08/19).
Relasiona ho interpretasaun públiku nian ba embaixadór na'in tolu, ne'ebé hetan pose tanba apoiu polítiku, Primeiru Ministru deklara katak embaixadór seluk ne'ebé seidauk hetan tomada pose, presiza hadi'a.
PM mós promote sei haka'as an, hodi rezolve embaixadór sira ne'ebé to'o agora seidauk hetan tomada posse. "Embaixadór na'in tolu ne'ebé simu ona pose. Restu ne'ebé sei iha, oinsá mak ha'u rezolve para tomada pose," PM Taur tenik.
Governu haruka ona lista naran embaixadór nain 16 ba Prezidente Repúblika (PR). Maibé, PR foin mak fó tomada pose ba embaixadór nain tolu (3).tuir
Entretantu, tuir lista ne’ebé Governu aprezenta naran husi kandidatu embaixadór sira mak hanesan tuir mai ne’e:
1. Ines Maria de Almeida, Embaixadora ba Cambera, Austrália
2. Gil da Costa, Embaixadór ba Reinu Unidu Gra-Britania no Irlandia Norte
3. José Luis Guterres, Embaixadór ba Konfederasaun Suisa
4. Paulo Assis Belo, Embaixadór ba Repúblika Mosambike
5. Lisualdo Menezes Coimbra Gaspar, Embaixadór ba Wellingtong, Nova Zelandia
6. Isilio Antonio de Fatima Coelho da Silva, Embaixadór ba Washington DC, EUA.
7. Isabel Amaral Guterres, Embaixadora ba Lisboa, Portugál.
8. Isabel Amaral Guterres, reprezetante permanente TL ba Sekretariadu Ezekutivu CPLP
9. Isabel Amaral Guterres, Embaixadora la rezidente TL ba Republika Kabuverde.
10. Olimpio Maria Alves Gomes Miranda Branco, Embaixadór ba Repúblika Brazil
11. Maria Natalia Guterres Viegas Carrascalao, Embaixadora ba Singapura
12. Ilidio Ximenes da Costa, Embaixadór ba Japaun
13. Hermenegildo Lopes, Embaixadór ba Kambodia
14. Abrão dos Santos, Embaixadór ba Republika Popular Xina
15. Joana Veneranda Amaral, Embaixadora ba Santa Sé
16. Armandina Maria Gusmão dos Santos, Embaixadora TL ba Reinu Tailándia.