Login to your account

Username *
Password *
Remember Me

KHUNTO 'Dun' Família Membru Governu Hakat Fronteira ho Ilegál

Deputadu Bankada Kmanek Haburas Unidade Nasionál Timor Oan (KHUNTO), Luís Roberto da Silva. Deputadu Bankada Kmanek Haburas Unidade Nasionál Timor Oan (KHUNTO), Luís Roberto da Silva. Foto Suplay

Tempotimor (Dili)-Deputadu Bankada Kmanek Haburas Unidade Nasionál Timor Oan (KHUNTO), iha Parlamentu Nasionál (PN), Luís Roberto da Silva, dun família husi membru Governu balun durante ne'e hakat fronteira entre Timor-Leste no Indonézia ho ilegál.

"Membru Governu sira ne'ebé ko’alia ibun boboot ne'e, ida ne'e mós nia família tama sai ilegál, iha fronteira, ne'e tanba saida. Ita atu prevene moras mak ida ne'e”, hatete nia iha plenária Parlamentu Nasionál (PN), tersa (31/08).

Ho situasaun Covid-19 ne’ebé mak sa’e ba transmisaun komunitáriu iha Timor-Leste, nune'e Governu kria mekanizmu oiin atu evita no prevene, maibé dala-barak iha fronteira terestre ninian, kontinua deskontroladu.

Tanba kazu ultrapasa ilegál iha fronteira ne'e, la'ós de'it ema babain mak komete, maibé mós veteranu sira ne'ebé mak balun tama sai ilegál, nomós família sira husi funsionáriu públiku sira, liliu família sira husi ministru sira.

"Maske, Governu laiha maibé tempu ida Governu kuandu mai, ha’u sei ko’alia, ida ne'e mak ha’u sei ko’alia kontinua to'o remata”, dehan nia.

Parte seluk mak kona-bá, instituisaun ne’ebé hari’i iha Timor-Leste, liliu KRAM, tanba durante ne'e tur hakmatek los, lakohi halo kontrolu ba sira-nia funsaun servisu ho di'ak.

"Tanba ita-hotu hatene katak, ema ultrapasa iha fronteira, liliu Arte Marsiál, ne’ebé mak ba sa’e sabuk iha ne'eba, ida ne'e mak agora viral iha Timor-Leste”, afirma nia.

Tanbe ne'e husu atu buka dalan oinsá bele rezolve, liliu kriminaliza membru grupu arte marsiál sira ho lei 5/2017.

Hatan ba kestaun ne'e Prezidente Parlamentu Nasionál (PN), Aniceto Longuinhos Guterres Lopes hatete, kestaun hirak ne'ebé koloka husi deputadu sira liliu kona-bá kestaun covid-19 no fronteira, meza sei haruka ba gGvernu atu toma konsiderasaun. (*)

Rate this item
(0 votes)
Last modified on Tuesday, 31 August 2021 16:37
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« January 2023 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          

Tempo Timor Networks

Online Counter