"Iha anterior ha'u hatete tiha ona katak, kuandu bazeia ba deklarasaun ne'ebe mak hasai husi ita-nia xefe Governu (Taur Matan Ruak), katak bainhira kuandu sidadaun simu vasina dalarua bele halo movimentasaun ne'e livre, maibé ida ne'e deklarasaun polítika ida", hatete nia iha PN, sesta (27/8).
Maibé, Deputadu bankada opozisaun Uniaun Demokrátiku Timorense (UDT) iha Parlamentu Nasionál (PN), Francisco David Carlos Xavier, kestiona maka'as ba regra konfinamentu domesiliáriu jerál ne'ebé aprova husi Konselhu Ministru (KM), tanba medida refere kontráriu ho deklarasaun Primeiru Ministru (PM), Taur Matan Ruak.
"Aleinde iso ita haree, konfinamentu obrigatóriu ne'e ita haree kontráriu rasik ho esteitmentu seu Primeiru Ministru (PM) nian ne'ebé iha fulan kotuk, hatete katak sé mak vasina dala-rua, bele sai avontade. Mais en-fin mai hatete fali dehan ho konfinamentu obrigatóriu ne'e se mak vasina dalarua mós labele sai husi livre, ne'e buat ida ke ha'u konsidera ne'e laloos", hatete nia iha Parlamentu Nasionál (PN), sesta (27/08).
Tanba ne'e, husu atu koredoor informasaun ba sosiedade tenke ida de'it, oinsá mak depozita konfiansa ba povu atu obedese ba regra prevensaun covid-19 husi Ministériu Saúde no Organizasaun Mundiál Saúde (OSM).
"Labele ida mai ho nia versaun, Primeiru Ministru mai ho versaun, Ministériu Saúde mai ho nia versaun", afirma nia.
Tanba haree katak povu la presiza hetan apoiu hahán husi Governu tanba povu ne'e hakarak nia movimentu ne'e livre, nia bele sustenta nia-an rasik. Maibé husu nafatin bainhira Governu kontinua halo hanesan ne'e, mak Governu mós obrigatóriu tenke tau matan ba povu. (*)
