Print this page

Lockdown Halo Ministru Fidelis ho Lúcia Lobato 'Ataka Malu' iha Facebook

By August 27, 2021 5595
Diskusaun entre Ministru Fidelis Magalhaes ho Eis Minsutra Justisa Lucia Lobato iha facebook Diskusaun entre Ministru Fidelis Magalhaes ho Eis Minsutra Justisa Lucia Lobato iha facebook Facebook

Tempotimor (Dili)-Governu liuhusi Konsellu Ministru (KM) ne'ebé deside hodi aplika (Lockdown) Konfinamentu Domisiáriu Jerál iha Munisípiu Dili, halo Ministru Prezidénsia Konsellu Ministru (MPKM), Fidelis Leite Magalhăes, ataka malu eis Ministra Jusrtisa (MJ) Lúcia Lobato iha mídia sosiál Facebook.

Tanba regra sira iha konfinamentu Domisiáriu Jerál ne'ebé Governu hamosu liuhusi desizaun Konsellu iha kuarta (25/08) semana ne'e, maibé Lúcia Lobato konsidera deklarasaun husi Ministru Fidelis nian, la relevánsia ho desizaun ne'ebé hasai liuhusi KM hodi la bandu movimentu ba sidadaun sira ne'ebé kompleta ona vasina doze daruak.

"Rezolusaun Governu nian hakerek buat ida, señor ministru ko’alia buat seluk. Desizaun refere hatete, desizaun KO (konfinamentu obrigatóriu) la abranje ba sidadaun sira ne'ebé vasina dala-rua ona, inklui labarik ki'ik to'o tinan 6", hatete Lúcia Lobato, iha nia pájina facebook "Lúcia Lobato", ne'ebé www.tempotimor.com asesu, sesta (27/08).

Ba lamentasaun ne'e, Ministru Fidelis hatán kedan eis Ministra Justisa Lúcia Lobato husi mídia sosiál facebook no konsidera, eis ministra ne’e espalla informasaun falsu ba públiku.

"Husu matenek na'in sira hanesan señora Lúcia Lobato, atu konfirma didi'ak sasán antes espalla informasaun laloos (liu-liu iha situasaun hanesan agora)", dehan Ministru Fidelis, iha facebook, nu’udar autu-defeza hasoru deklarasaun eis ministra ne’e.

Tanba rezolusaun Governu nian ne'ebé aneksa iha nia pájina facebook, ligasaun ba desizaun Governu kona-ba konfinamentu obrigatóriu iha Munisípiu Dili.
Ba konfinamentu domisiliáriu jerál iha Munisípiu Dili, durante semana ida ne'e, husi tuku 00:00 loron 27 fulan-agustu to’o tuku 23:59 loron 2 fulan-setembru tinan 2021. (*)

Rate this item
(2 votes)
Last modified on Friday, 27 August 2021 11:07
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items