Ministru Prezidénsia Konsellu Ministru (MPKM), Fidelis Leite Magalhães, informa públiku katak sei aplika lokcdown iha Munisípiu Díli, husi meia noite (27/08) tuku 00:00 to’o 23:59 (02/08).

"Aplika drástika ida ne'e ne'e atu ema hothotu hakmatek iha uma inklui sidadaun ne'ebé mak vasina dalarua maibé permite ba sidadaun ne'ebé mak atu ba hola hahán no hola pulsa Eletrisidade inklui ba sira ne'ebé atu ba Vasina”, dehan Fidelis iha Palásiu Governu (26/08):

Iha aplikasaun konfinamentu domisiliáriu Jerál ne’e, suspende selebrasaun relijioza koletiva, no bandu atu hala’o serimónia funeral ne’ebé envolve ema na’in-sanulu liu, sira ne’ebé, durante serimónia ne’e rasik tenke uza máskara, mantein distánsia.

Maibé estabelesimentu komersiál, industriál, artezanál ka prestasaun servisu nian taka ba públiku, ho exesaun ba estabelesimentu sira ne’ebé autoriza iha Rezolusaun Governu ne’e, liliu estabelesimentu ne’ebé fa’an ai-hán no sasán nesesidade bázika nian, eletrisidade, telekomunikasaun, prestasaun kuidadu médiku, farmásia, postu kombustivel nian, no instituisaun finanseira sira.

Ba restaurante sira bele fornese hahán iha rejime take away ka entrega iha uma de’it no estabelesimentu sira-seluk ne’ebé taka ba públiku bele dezenvolve ninia atividade liuhusi servisu entrega ba uma de’it.

Vendedór ambulante ba sasán alimentár no sasán ba nesesidade bázika bele mantein sira-nia atividade. Merkadu sira munisípoi nian, Manleuana no Taibessi, mantein ninia funsionamentu, husi tuku 6 dadeer to’o tuku 6 loro-kraik.

Aplikasaun lokcdown no sidadaun inklui Sidadaun Vasina dalarua ne'ebé labele halo movimentasaun iha Munisípiu Díli de'it maibé livre ba sidadaun sira iha Munisípiu seluk atu halo movimentu.

"Iha Postu Administrativu Ermera no Railaku mós aplika Komfinamentu Obrigatóriu maibé sidadaun ne'ebé mak hakarak husi Ermera ba Same livremente sira ba”, hatete nia.

Sidadaun Timoroan ne'ebé mak mate tanba Covid-19 hamutuk 52 no seidauk iha ida mak vasina dalarua ba pasiénte óbitu sira ne'e. (*)