Login to your account

Username *
Password *
Remember Me

CNRT Konfuzaun ho Desizaun PM Taur Koloka F-FDTL iha Fronteira

Xefe Bankada CNRT, Duarte Nunes. Xefe Bankada CNRT, Duarte Nunes. Foto Tempo Timor

Tempotimor (Dili)-Xefe Bankada Congresso Nacionál de Reconstrução de Timór (CNRT), Duarte Nunes dekara, nia parte konfuzaun ho deklarasaun Primeiru Ministru (PM), Taur Matan Ruak ne'ebé planu atu koloka tán FALINTIL-Forsa Defeza Timor-Leste (F-FDTL) hodi reforsa seguransa iha Fronteira entre Timor-Leste ho Indonézia.

"Ita agora iha ita-nia rai ne'e, ita agora ho razaun dehan moras ne'e mai husi sorin, no horisehik dehan atu mobiliza tan forsa ba, mais moras ne'e mai tiha ona. Ita atu ba buka iha ne'eba ka, tiru netik iha ne'eba ka ita mai buka iha komunidade nia let. Ha'u lahatene Governu nia hanoin ne'e oinsá", dehan nia iha PN, kuarta (25/08).

Tanba Governu hakarak haruka F-FDTL ba fronteira ho intensaun atu fó seguransa maka'as, maibé vírus ne'ebé agora tama ona mai Ermera no Dili.

"Ha'u lahatene tanba esforsu ne'ebé Governu halo, atu trava. agora mai tiha ona ne'e, ita atu buka tuir atu ba kaer ga, atu tiru nia ka hanusa, lahatene", dúvida nia.

Maske Governu ne'ebé lidera husi Primeiru Ministru, Taur Matan Ruak, iha intensaun di'ak, maibé problema ne'e, Governu rasik lahatene moras sira ne'e tama husi ne'ebé.

"Ne'e hanoin nusa, ne'ebé agora dehan transmisaun komunitária ne'e mós tenke klaru, komunitária iha ne'ebé, ema na'in hira, ita soe rai rahun, ba ema, maibé ita haluha tiha ema la ba halo negósiu ruma, nia atu moris ho saida", dehan nia.

Antes ne'e, Primeiru Ministru (PM), Taur Matan Ruak, promente ona katak sei monta militár iha fronteira molok termina nia mandatu hanesan Primeiru Ministru iha Governu daualu.

"Ha'u konsulta ona ho Esénlensia Prezidente da Repúblika no fó instrusaun Vise Ministru Interior atu halo diskusaun fó ona orentasaun ba Vise Minstru Interior no Ministru Defeza no Seguransa atu halo diskusaun, se la'ós tinan ida ne'e tinan oin tanba ha'u hakarak antes ha'u-nia mandatu remata forsa armada mak iha ona fronteira”, dehan Taur iha Parlamentu Nasionál, tersa (24/08). (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« January 2022 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Tempo Timor Networks

Online Counter