Governu Hapara Atividade Relijioza Durante Semana Ida

Sarani sira ne'ebe momentu balun tuir hela misa iha Igreja Motael. Sarani sira ne'ebe momentu balun tuir hela misa iha Igreja Motael. Foto Suplay

Tempotimor (Dili)-Governu liuhusi Reuniaun Konsellu Ministru (KM) iha kuarta (25/08) aprova projetu Rezolusaun Governu ne’ebé impoin Konfinamentu Domisiláriu Jerál ba populasaun iha munisípiu Dili, hodi hapara provizóriu atividade relijioza sira durante semana ida.

Ministru Prezidénsia Konsellu Ministru, Fidelis Leite Magalhăes hatete, ho desizaun ne'ebé foti atubele evita sirkulasaun sidadaun iha kapitál hodi hamenus no prevene moras Covid-19 ho variante Delta.

Tanba ne'e, sidadaun hotu tenke hela iha sira-nia uma ka iha sira nia alojamentu temporáriu durante semana ida, hafoin Governu haree hodi deside semana hirak tuir mai.

"Suspende selebrasaun relijioza koletiva, no bandu mós atu hala’o serimónia fúnebre ne’ebé envolve partisipasaun ema na’in-sanulu liu, sira ne’ebé, durante serimónia ne’e rasik tenke uza máskara oin nian hodi taka inus no ibun no mantein distánsia, pelumenus metru ida ho ema seluk ne’ebé prezente iha serimónia ne’e", dehan Fidelis Magalhăes, iha Palásiu Governu, kuarta (25/08).

Entretantu, konfinamentu domisiliáriu ne'ebé aplika iha Munisípiu Dili, durante semana ida ne'e, hahú husi tuku 00:00 loron 27 fulan-agustu to’o tuku 23:59, loron 2 fulan-setembru tinan 2021. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« November 2021 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30          

Tempo Timor Networks

Online Counter