"Fó posse ba sr.Altide atu sai vogál konsellu administrasaun RTTL,ep ne'ebé mak sei ba troka matebian João Batista, tanba ne'e ohin ita prense filafali estrutura liliu konsellu administrasaun nune'e kompleta ninia membru sira hodi halo serbisu di'ak liu iha RTTL", dehan Ministtru Francisco, iha Palásiu Governu, kuarta (25/08).
Ho responsabilidade ne'ebé fó, tanba iha konfiansa katak vogál foun sei hamutuk ho Prezidente RTTL,ep no membru sira servisu ho di'ak no bele haree hodi deside oinsá dezenvolve RTTL tuir ema hotu nia hakarak iha futuru.
"Tanba ne'e Parabéns ba Vogál foun ne'ebé simu ona posse no ha'u fiar katak ita-boot iha servisu barak maibé ha'u hatene ita-boot bele oferese-an ba servisu foun ne'ebé ita-boot integra-an ba", dehan nia.
Vogal Konsellu Administrasaun RTTL,ep foun, Altide Maria da Costa, prontu atu servisu hamutuk ho estrutura RTTL,ep tomak hodi hadi'a problema sira ne'ebé iha RTTL no bele dezenvolve RTTL hodi bele sustenta-an rasik iha futuru.
"Ha'u prontu para mai ho Prezidente foun atu servisu iha RTTL tanba RTTL iha problema barak ne'ebé ita presiza hadi'a, nune'e nia bele sai Governu nia mídia ida ne'ebé que fó informasaun ne'ebé kredivel ba ita-nia populasaun e ita mós bele hadi'a nia jestaun para nia bele sai empreza públika ida ne'ebé sai sustenta nia-an rasik iha aban bairua", afirma niaw. (*)
