PD: Komemora Tinan 20 Referendum, Tenke Dignifika Povu Featured

Hafoin TL Ukun rasik a'an eskola balun seidauk iha kadeira hanesan mosu iha fatin balun iha TL. Foin lalais iha vizita PR ba Suai sei mosu situasaun alunus sei tuur iha rai mak tuir prosesu aprendizajen Hafoin TL Ukun rasik a'an eskola balun seidauk iha kadeira hanesan mosu iha fatin balun iha TL. Foin lalais iha vizita PR ba Suai sei mosu situasaun alunus sei tuur iha rai mak tuir prosesu aprendizajen Foto especial
Tempotimor (Dili) – Partidu Dermokrátika iha Parlamentu Nasionál husu Governu no Estadu atu dignifika povu Timor-Leste nia sakrifísiu iha loron Konsulta Populár ne’ebé sei selebra ba dala ruanolu.
 
“Povu Timor-Leste atu selebra loron 30 Agostu, tinan ruanolu referendu iha Timor-Leste. Ita hotu sei hanoin ho neon fresku referendum ne’e nia objetivu no oinsa mak ita realiza referendum,” hatete Prezidente Bankada Demokrátika, António da Conceição, Tersa (13/08/2019) iha Parlamentu Nasionál. 
 
Tuir Antonio, iha momentu ne'ebá, iha duni opsaun ne’ebé Timoroan sira hili liuhosi dalan Unidade Nasionál no mobiliza povu hodi fó desizaun polítika, hodi hasai duni povu husi okupasaun militár Indonézia nian. Deputadu ne’e mós afirma, TL hetan nia ukun rasik an, tanba povu nia kontribuisaun no vontade boot.
 
“Ita konsege independensia, tanba vontade povu nian. Bankada PD iha uma fukun ida ne’e, husu atu polítika sira dignifika povu nia sakrifísiu hodi hala’o selebrasaun ida ne’e, la'ós de’it serimoniá komemorativa. Maibé, sai eventu ida atu dignifika povu nia determinasaun, eroi no mártires sira nia luta no sakrifísiu hodi fó sentidu kle'an ba ukun rasik an nian, ne'ebé ema hotu inspira dezenvolvimentu,” tenik António.
Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com