"Festa Demokrasia ne'ebé ita sei festeja iha tinan 2022, kona-bá Eleisaun ba Prezidente Repúblika ba periudu tinan 2022-2027. Mak ami husi Grupu Juventude Rejiaun Administartiva Espesiáll Oekussi Ambeno RAEOA, ho hakarak tomak, husu no apoia Isabel da Costa Ferreira atu kandidata-an ba Prezidente Repúblika”, dehan Portavoz, Paulo Collo, iha Restaurante Benifica, segunda (23/08).

Tanba ne'e, Grupu juventude RAEOA hakarak manifesta sira-ninia apoiu tomak ba Kandidatura Espoza PM( Isabel da Costa Ferreira ba PR, oinsá mak dezenvolve futuru bele lao diak.

Nu’udar juventude RAEOA konsiente katak costume-att liu iha Timor mak kultura vingativa hodi hamosu problema iha setór-sosiál oioin.

Ho razaun ida ne'e, Grupu Juventude hanoin katak, ema ne'ebé atu sai Prezidente Repúblika, tenke mai ho kandidatura Independente no tenke Feto.

Tanba, kandidatura Isabel da Costa Ferreira hanesan Feto hanesan ema ativista ida ne'ebé dezde uluk sempre luta maka'as ba Direitu Umanu, iha kapasidade di'ak, atu responsabiliza funsaun hotu, ho personalidade no karáter ne'ebé nakonu ho valór soliedariedade, karidade, onestidade, tolerante, moris ho domin, no paz.

Ho Valór hirak ne'e refleta no kondiz tebes ho Timoroan sira-nia mehi hodi tau iha prátika, ne’ebé Timoroan sira hein hela no la’ós ho promesa falsu sira iha momentu krusiál de'it maibé pertinente atu tau iha istória Timor-Leste bá kandidatura Prezidente Repúblika ne’ebé mai ho jéneru feto.

"Ami garante katak, ho prezidente feto mak bele iha solusaun ne'ebé di'ak liu hodi bele lori filafali esperansa ba timoroan hotu”, dehan nia.

Bainhira povu Timor-Leste eleze kandidatura sira mai husi Partidu Politiku sira (Parrol) desizaun hothotu sempre indika mai husi grupu ninia interese no la tau-aas interese komum ema hotu nian.

"Aktu hirak ne'e la fó valór ba demokrasia, la respeita ba erói no mårtire ba libertasaun påtria sira-nia luta no la tau-aas Konstituisaun RDTL”, afirma nia. (*)