“Pakote ida ne’ebé primeiru lugar intensaun, ha’u ko’alia dala hira ona katak, depois intensaun ne’e mak sai forma pakote, atu konkore eleisaun direta ou kongressu. Ha’u hanoin ida ne’e la’ós atu harahun FRETILIN, mai atu hadi’a no halo metin tan FRETILIN”, deklara Somotxo, hafoin partisipa komemorasaun loron FALINTIL bá dala-46 iha Kuartel Jenerál Fatuhada, (20/08).
Tanba, membru no estrutura hothotu tenke halo reflexaun bá ida-idak nia an rasik, la siknifika no intensaun harahun FRETILIN.
“Ha’u Somotxo desde idade ho 16 anos iha partidu ida-ne’e duni serví ho kargu oioin mai to’o 1999 ne’ebé halai karik oras ne’e ha’u iha partidu seluk”, dehan nia.
Ba pakote ne'e, Somotxo ho Rui rasik seidauk bele fó sai bá públiku katak sa polítika mak atu implementa iha partidu FRETILIN laran, bainhira hetan fiar husi militante no apoiante sira.
Maibé dúvida tanba pakote ne’e rasik dalaruma ninia kamarada balun haree tauk, maibé seidauk husu tanba saida mak tauk, dalaruma kria pakote hanesan komete krime ga kontra ona ema ruma.
Tanba iha loron 4 fulan-outubru tinan 2016, agora atu remata iha loron 4 fulan-outubru 2021, ne’e responsabilidade la’ós membru ida nian de’it, maibé responsabilidade ne’e kuádru militante husi FRETILIN tomak. (*)
