Login to your account

Username *
Password *
Remember Me

MAKLN Tenke Integra Sobrevivente Iha Programa Dezenvolvimentu

Prezidente Parlamentu Nasionál (PN), Aniceto Longuinhos Guterres Lopez. Prezidente Parlamentu Nasionál (PN), Aniceto Longuinhos Guterres Lopez. Foto Suplay

Tempotimor (Dili)-Prezidente Parlamentu Nasionál (PN), Aniceto Longuinhos Guterres Lopez, deklara Ministériu Assuntu Kombatentes Libertasaun Nasionál (MAKLN) liliu Conselho dos Combatentes da Libertação Nacional (CCLN) presiza hamutuk atu haree oinsá integra sobrevivente sira iha programa dezenvolvimentu nasionál.

"Husu ba Ministério Assuntos Combatentes da Libertação Nacional atu haree hamutuk ho Conselho dos Combatentes da Libertação Nacional (CCLN) oinsa integra sobrevivente sira iha programa dezenvolvimentu Timor-Leste”, dehan Aniceto iha selebrasaun loron FALINTIL ba dala-46 iha Kuartel Jeneral, Fatuhada, sesta (20/08).

Tanba ne'e nu'udar ajente ativu sira iha prosesu dezenvolvimentu sósiu-sivíku no eduka ema sai sidadaun sivíku no sai sidadaun ekonómiku, no responsável ba Povu no Estadu.

Ba kombatente dadauk Konsellu Kombatentes Libertasaun Nasionál hala'o hela verifikasaun dadus ne'ebé rejista iha tinan 2009 no hein tempu badak sei ramata servisu boot ida ne'e.

Nune'e Parlamentu Nasionál hamutuk ho Prezidente Repúblika, Feancisco Guterres "Lú Olo", no Primeiru Ministru (PM), Taur Matan Ruak, hakarak MALKN hamutuk ho CCLN oinsá haree integra sobrevivente sira iha programa dezenvolvimentu.

Dadauk, Centro CHEGA mós halo ona servisu exelente atu prezerva fatin istóriku sira no eduka labarik no joven sira.

Ho ida ne'e, selebrasaun espíritu FALINTIL nian, Helik-fatin gerilleiru sira-nian no fatin istóriku sira, seluk, bele sai fonte aprendizájen no inspirasaun boot ida ba jerasaun foinsa’e sira atu haklean sentimentu orgullu pertense ba povu barani-nain Timor-Leste, no atu hatene lalaok luta ba libertasaun nian.

Husu ba Ministériu relevante sira no parseiru sira atu tulun CCLN no Centro CHEGA hodi dezenvolve fatin sira ne'e, no roteiru turizmu, nune'e, dada turista sira husi rai sira seluk, mai vizita. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« August 2022 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31        

Tempo Timor Networks

Online Counter