Login to your account

Username *
Password *
Remember Me

Ezposa PR - Doutór Espesiálista  Fó Atensaun ba Kazu Soe Bebé Featured

Foto hamutuk Espousa Prezidente da Republika, Cidália Nobre Guterres ho Doutor especialista sira iha Palasiu Prezidensial Foto hamutuk Espousa Prezidente da Republika, Cidália Nobre Guterres ho Doutor especialista sira iha Palasiu Prezidensial Foto Midia PR
Tempotimor (Díli) – Espoza Prezidente Repúblika (PR) Timor-Leste, Cidália Nobre Guterres, simu doutór espesiálista Timoroan na’in tolu hanesan: Daninha Coelho, José António Gusmão no Domingas Bernardo iha Gabinete Espoza Prezidente Repúblika, Palásiu Prezidensiál, Bairru-pite, Kinta (08/08/19).
 
Komunikadu Imprensa ne'ebé Tempotimor.com simu husi Palásiu Prezidensiál Nicolau Lobato hatete, sorumutu doutór espesiálista Timoroan na’in tolu ho espoza Prezidente Repúblika hodi ko’alia kona-ba oinsá atu fó atensaun ba kazu soe bebé, ne’ebé nia númeru aumenta ba beibeik iha sosiedade nia leet.
 
Tuir doutór José Antonio, kazu soe bebé kuaze akontese iha nasaun barak iha mundu liuliu ba nasaun kiak no dezenvolvidu, fatin ne’ebé soe bebé preferensia iha públiku hanesan iha lixu fatin, estrada, sintina no fatin seluk. 
 
Tuir peskiza ho razaun prinsipál katak, ki’ak (pobreza), presaun psikolójiku sosiedade no familia la fó apoiu no razaun seluk hanesan mane la tau ba responsabilidade. 
 
Doutór José Antonio fó ezemplu, sosiedade patriakál hanesan Brazil iha sékulu 20 la simu feto iha oan mas laen laiha (mãe solteira). Maibé, iha sékulu 21, feto ne’ebé kous ou gravida la’ós fim do mundo ka signifika vida hotu ona ba nia. Maibé, presiza hanoin katak dalan sei naruk.
 
“Nune’e, presiza buka hatene. Iha Timor, nasaun ki’ik ho valores kulturais hanesan respeita malu no fó solidariedade ba malu aas tebes, tansá mak ema sei soe bebe? Razaun saida? No ida ne’ebé mak bele kondena hahalok aat hirak ne'e?” Doutór José husu. 
 
Alende ne’e, doutora Daninha no Domingas salienta katak, nu’udar ema umana sente preokupadu tebes ho situasaun ida ne’e. Tanba hakarak kopera ho inan-nasaun atu bele fó solusaun ba kazu soe bebé liuhosi intervensaun advokasia no sosializasaun ba komunidade liuliu ba família nu’udar nukleu prinsipál ne’ebé prepara akompaña oan-sira, hosi idade minoria bele hetan informasaun adekuada, prepara labarik sira fizikamente no psikolojikamente kona-ba saúde reprodutiva.
 
Purtantu, Espoza Prezidente Repúblika Cidália Nobre Guterres agradese tebes ba preokupasaun entidade tomak iha Timor-Leste hosi sosiedade sivil, ajénsia internasionál no profesionál saúde, kona-ba aktu soe bebé ne’ebé ohin loron akontese iha territoriu Timor-Leste. Liu hosi diskusaun entre, inan-nasaun ho doutór espesiálista, bele haklean liután  hanoin ba oin, hodi sosializa nafatin aktu inmorál ne’e.
 
“Ha’u mós ba vizita uma-mahon. Triste hare labarik idade hosi tinan 12-16 sai ona vítima ba kazu insestu, violasaun sexuál no kous-oan ho idade nurak. Nune’e, ha’u konkorda prefeitamente ita tenke halo duni buat ruma. Ha’u ninia gabinete laiha poder bo’ot. Maibé, bele halo programa advokasia atu ajuda sensibiliza ou fó hanoin ba ita-nia sosiedade prinsipálmente inan-aman no jovens sira idade pre-sekundária to’o Ensinu Sekundária kona-ba asuntu refere. Ho nune'e, pelomenus iha idade produktiva sira hatene limitasaun no proteje-an,” espoza PR ne'e hatete.
 
Inan ba nasaun ne'e mós, husu husu ba ema hotu atu servisu hamutuk, hodi bele haforsa malu. Maske labarak maibé ita bele halo asaun konkreta ruma hodi bele halo mudansa hodi fahe informasaun no  akompañamentu ba sira prinsipálmente ba família. 
 
Tanba família, tuir espoza PR mak hun no abut ba kresimentu labarik. “Tan ne’e, presiza  atu prepara-an no hateke ba oin ho fiar-an katak, maske hetan problema maibé sei iha dalan atu rezolve ho dalan ne’ebé dignu,” Inan ba nasaun ne’e afirma.
 
Média ne'e nota katak, to'o agora maiz um menus dala tolu ona, ema inresponsabilidade sira ne'ebé soe bebé  iha Kapital Díli; Iha loron 04 Juñu 2019 akontese ema soe bebé iha Lahane Osidentál. Iha loron 24 Jullu 2019 akontese ema sunu no soe bebé iha Cruz Boot, Semiteriu Santa Cruz. Iha loron 02 Agusto 2019 akontese ema soe bebé iha Lixu fatin, Taibessi.
Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« February 2023 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28          

Tempo Timor Networks

Online Counter