La Rezolve Bee-Moos, KHUNTO Husu Prezidente BTL Rejigna-an

By Tempo Timor August 19, 2021 2095

font size decrease font size increase font size
Print
Email

Xefe Bankada Kmanek Haburas Unidade Nasionál Timor Oan (KHUNTO), Olinda Guterres. Foto Tempo Timor

Tempotimor (Dili)-Xefe Bankada Kmanek Haburas Unidade Nasionál Timor Oan (KHUNTO), Olinda Guterres husu, Prezidente Bee Timor-Leste, Empreza Públika (BTL.EP) rejigna-an, tanba la rezolve bee-moos iha Dili laran.

"Kona-ba Bee iha Dili, husu ba Ministériu kompetente (BTL.ep) para tun ba lalais atu rezolve. Se sira la tun entaun berarti (siknifika) inkapasidade ne’ebé mak simu kargu, nia duni mak inkapasidade bele rejigna-an, tau fali ema seluk ba para hodi tau matan ba ita-nia povu sira ne’ebé presiza bee”, deklara olinda ba www.tempotimor.com liuhusi telefone, kinta (19/08).

Tanba ne'e, kabe ba Ministériu kompetente, liliu Bee Timor-Leste, Empreza Públika (BTL.EP), atu tun lalais ba fatin ne’ebé presiza bee-moos, atu rezolve.

Tanba nesesidade prinsipal ne’ebé atu sustenta povu mak bee ho ahi-eletrisidade.

Bankada KHUNTO mós lamenta ho realidade ahi-eletrisidade ne’ebé liga ba suku Hera, dadauk kontinua mate lakan, no lahatene nia impaktu ne'e saida.

"Ne'ebé husu ba Governu atu nune'e tau matan urjente, liliu kona-ba ahi ho bee”, dehan nia.(*)

Rate this item

(1 Vote)

Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com