PN Sei Aprezenta Rekursu ba Proposta Lei Enkuadramentu Orsamentál

Prezidente Komisaun C trata asuntu finansa públika, Maria Angelica Rangel. Prezidente Komisaun C trata asuntu finansa públika, Maria Angelica Rangel. Foto Suplay

Tempotimor (Dili)-Prezidente Komisaun C trata asuntu finansa públika, Maria Angelica Rangel deklara, deputadu sira iha Parlamentu Nasionál sei aprezenta rekursu ba plenária atu aprova artigu balun ne'ebé sai polémika durante iha diskusaun ba Proposta Enkuadramentu Orsamentál (LEO).

“Iha debate espesialidade mós opozisaun fó kontribuisaun maka’as e sira mós vota afavor iha artigu balun, mais sira mós husu rekursu mai iha plenária, iha artigu 11, nomós rekursu husi bankada Governu rasik oha artigu ida, ne'ebé komisaun labele halo, mak tenke mai konsensu iha plenária”, dehan nia iha PN, kuarta (18/08).

Rekursu ne'ebé bankada sira sei aprezenta ne'e sei foku liuba artigu kona-ba prosesu pagamentu ba embaixada sira Timor-Leste nian iha rai li’’ur.

Tanba iha lei jestaun finanseira, no iha lei enkuadramentu hatete ema ne'ebé mak atu loke konta ne'e so instituisaun estadu, siknifika Ministériu Finansa iha kompeténsia atu haruka instituisaun ka kada ajensia autonomu sira loke sira-nia konta estadu, atu nune'e fasilita ba parlamentu nasionál atu fiskaliza.

Maibé bankada opozisaun lakoi dehan katak osan ida ne'e ba embaixada tenke loke embaixada nia konta, maibé bankada Governu haree iha ema nia rai, Timor-Leste laiha regulamentu ida katak Ministériu Finansa mak tenke haruka loke, siknifika katak embaixadór sira mak tenke loke konta, nune'e bele halo transferénsia osan estadu nian ba sira atu jere.

“Ida ne'e mak ami halo rekursu para ida ne'e mantein, hanesan mós ho lei jestaun finanseira, mais opozisaun hakarak muda”, dehan nia.

Iha mós rekursu ne'ebé bankada opozisaun sira aprezenta ba plenária ho proposta hamutuk 11, kona-ba artigu 57 ne'ebé mak ko’alia kona-ba prorogasaun orsamentu jerál estadu (OJE).

“Tanba ita hotu hatene katak OJE anu fiskal ida iha tinan ida, entaun orsamentu ne'e linguajen prorogasaun ne'e nomós artigu 57 ne'e artigu mais polítiku tanba define orsamentu atu tama Parlamentu Nasionál iha dia 1”, hatete nia.

Ho ida ne'e, husu atu halo plenária tanba públiku no entidade estadu tomak tenke hatene katak artigu ida ne'e artigu ida ne’ebé tenke iha desizaun koletiva.

Ho proposta lei substituisaun ne'ebé Governu aprezenta, Komisaun C hanoin katak tempu duni ona, nasaun ida tenke muda lei Jestau Finanseiru hodi bele jere jestaun no fundu minarai, liliu programa Governu nian ne'ebe mak mai aprezenta orsamentu kada programa.

Tanba durante tinan 20-resin ona Timor-Leste uza lei United Nations Transitional Administration In East Timor (UNTAET) nian hanesan lei jestaun finanseira.

“Ida ne'e mak tenke hadi'a, lei sira ne'ebé mak iha jestaun finanseira, atu implementa iha programa ne'ebe ita bolu dehan orsamentu por programa”, esplika nia.

Iha Proposta Lei mós atu determina katak fó mós konpeténsia ba Governu no Parlamentu Nasionál, ne'ebé iha interpretasaun katak lei ne'e sei regula di’ak liután tanba iha lei ne'e ko’alia kona-ba lei ba opsaun hothotu.

“Lei dos Grandes Opsõens ne'ebé mak sei hatama iha dia 1 de maio, Parlamentu Nasionál sei aprova uluk programa kuandu entreda de dia 1 de maio, depois hotu iha dia de outubru mak orsamentu foin mai, hanesan lei jestaun finanseiru ne'e orsamentu ne'e mai dala ida de'it”, hatete nia.

Maibé Debate ba espesialidade ne'e rasik komisaun C finaliza ona iha semena kotuk, no agora dadauk komisaun sei halo hela relatóriu hodi bele aprezenta ba Prezidente Parlamentu Nasionál hafoin halo ajendamentu ba dikusaaun finál globál iha plenáriu.

Enkuantu Proposta-Lei Enkuadramentu Orsamentu ne'ebé Governu aprezenta ne'e totál artigu hamutuk 116 maibé durante iha diskusaun espesialidade, deputadu sira konsege aumenta tan artigu 10 hodi atinje 126, liuhusi proposta alterasaun nomós proposta adiantamentu ne'ebé komisaun C hetan. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« December 2021 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    

Tempo Timor Networks

Online Counter