“Tuir programa ou planu MAPKomS ninia ita sei aumenta tan rádiu Komúnidade ida, Rádiu Komúnidade ne'ebé mak halai liu ba ema deifisiensia sira, nune'e bele fasilita mós sira-nia atividade”, dehan Ministru Francisco Martins iha Gabinete MAPKomS, Palásiu Governu, kinta (12/08).

Tanba ne’e, MAPKomS hahú ona formasaun ba sira, no sira mós preparasaun ona, asembleia diskute statutu hotu atubele loke ona Rádiu Komúnidade refere.

Reprezentante UNICEF, Bilak Aurang Zeb Durrani, mós apresia ho planu hirak ne'e, tanba UNICEF la'ós foin atu servisu ho MAPKomS maibé servisu kleur ona relasiona ho rádiu Komúnidade.

Tanba ne'e UNICEF sei servisu hamutuk nafatin ho MAPKomS ba programa sira ne'ebé relasiona ho labarik joven sira-nia atividade. (*)