“Intervensaun esensiál liu mak fó hanoin ba públiku atu konsidera rezultadu peskiza ne'ebé Komisaun Nasionál Eleisaun halo iha rekomendasaun lubuk ida, eleitór barak la komprende kona-ba ninia votu finalidade ne'e atu halo saida ne'e kuaze iha Timor laran tomak kuaze la komprende, apenas barak tebes mak seidauk komprende oinsá maka ha'u ba uza votu”, dehan Alcino iha  Edifisiu CNE, Kolmera, kuarta (12/08).

Votu ida determina tebetebes poder polítika tanba poder polítika de'it mak bele garante oinsá mak bele kaer ukun halo mudansa polítika poder atu hetan lijtimidade tenke tuir País demokrátiku nasaun ida nian.

Tanba ne'e mak objetivu husi Komisaun Nasionál ba Eleisaun iha nia foku ba edukasaun sivika atu hanorin Eleitór sira-nia koñesimentu kle'an kona-ba partisipasaun kualidade eleisaun nian.

“Ida ligadu ba tenke hasa'e tan frekuénsia edukasaun sívika ne'ebé Komisaun Nasionál Eleisaun nia objetivu prinsipál, katak edukasaun sivika ne'ebé mak bele hasa'e sira-nia koñesimentu ba partisipasaun kualidade”, afirma nia.

Rekomenda mós ba polítika na'in sira katak labele buka de'it votu maibé tenke organiza didi’ak atu hola parte mós iha koñesimentu partisipasaun kualidade nian.

“Komisaun Nasionál Eleisaun mós rekomenda ba autór polítika sira tenke ser bem organizadu tenke iha vizaun para labele hetan votu de'it tanba ita-boot sira bainhira kuandu autór polítika mak vontade sira hola parte ba kualidade ne'e katak sobu tiha Eleitór sira-nia votu enkuantu partidu polítiku balun la hetan maioria sira tenke halo koligasaan”, esplika nia.

Tanba CNE konsidera koligasuan iha tinan hirak liuba kotuk laiha susesu tanba hamosu problema barak, tanba ida ne'e mak eleitór sira no autór polítika sira tenke iha sensibilizasaun, labele manán de'it oportunidade maibé haree mós ba nia dezvantajen sira. (*)