Login to your account

Username *
Password *
Remember Me

Governu Tenke Aplika Multa Rihun US$2 ba Sidadaun Hakat Fronteira ho Ilegál

Xefe Bankada KHUNTO, Olinda Guiteres. Xefe Bankada KHUNTO, Olinda Guiteres. Foto Suplay

Tempotimor (Dili)-Xefe Bankada Kmanek Haburas Unidade Nasionál Timor Oan (KHUNTO), Olinda Guiteres hatete, Governu tenke aplika sansaun multa US$ rihun-2 ba sidadaun ne'ebé hakat fronteira ho dalan ilagál.

“Se fó US$30, 40 to'o US$100 ba ema ida mak kuandu halo sala (langar) nafatin, ne'e ha’u hanoin ne'e kualker ema ida ne'ebé mak hakarak la'o ne'e la'o de'it, maibe tau tok kuandu sala no langar prontu fó sansaun ne'e US$1,000, ka US$2,000, hanesan ne'e para sira ne'e tauk”, dehan nia iha Parlamentu Nasionál, segunda (09/08).

Tanba, durante ne'e governu aplika de'it multa ho osan ki'ik US$30 to'o US$100, entaun ida ne'e hanesan halo ema toman ona gosta tama sai tanba sira iha osan atu selu.

Maibé Governu kaer ka kaptura tan sidadaun hakat fronteira ilegál, tenke haruka sira selu osan (multa) ho montante ne’ebé boot atubele ha tauk sidadaun ne’ebé kontra regulamentu nasaun nian.

Dadauk iha fronteira rai mara mós membru F-FDTL inklui komdante UPF, Euclides Belo, tenke fó sansaun maka’as ba sidadaun, tanba lei Timor-Leste no Indonézia iha atu aplika ba sira ne'ebé tama sai ilegál.

"Ne'e mak ita Timor kuandu tama sai ilegál, kaer toman ona tenke fó sansaun ne'ebé mak maka’as”, dehan nia.

Deputadu Bankada CNRT, Domingos de Carvalho hatete, Governu tenke implementa medida rigorozu atubele fó sansaun ba ema sira ne'ebé tama sai ilegál iha fronteira.

“Hanesan ita hatete katak bainhira kuandu sira tama sai, ita kaer toman ne'e tenke fó sansaun. Purzemplu ita kaer toman iha sira mia fatin ne'eba ne'e iha kedas ona kuarentina ida ba sira, para hela iha ne'eba selu rasik, e depois prega mós multa ruma ba sira para nune'e sira bele sente tauk labele sirkulasaun tama mai”, dehan nia. (*)

Rate this item
(1 Vote)
Last modified on Monday, 09 August 2021 17:10
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« February 2023 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28          

Tempo Timor Networks

Online Counter