Print this page

Povu Ho Média Halo KAK Forte  Featured

By August 05, 2019 2306
Komisariu Komisaun Anti Korrupsaun, Sergio Hornai Ko'alia hela ba midia sira hafoin de enkontru ho Prezidente da Republika, Dr. Francisco Guterres Lu Olo, iha palasiu prezidensial Aitarak Laran, Dili (05/08) Komisariu Komisaun Anti Korrupsaun, Sergio Hornai Ko'alia hela ba midia sira hafoin de enkontru ho Prezidente da Republika, Dr. Francisco Guterres Lu Olo, iha palasiu prezidensial Aitarak Laran, Dili (05/08) Foto Midia PR

by: Isac 

Tempotimor (Dili) – Komisáriu Komisaun Anti Korrupsaun (KAK), Sergio Hornay rekoñese ho povu no média iha ninia sorin, nia sente forte lidera KAK hodi redúz korrupsaun iha Timor-Leste. 

"Ami sente forte, tanba povu iha ami nia sorin, média mós iha ami nia sorin, lei fó biban ba ami," dehan Komisáriu KAK Sergio Hornay iha Palásiu Prezidensiál Bairru-Pite, Segunda (05/08/2019). 

Hanesan Timoroan, nia dehan, iha pezu para halo redusaun ba korrupsaun iha Timor-Leste. Maske, nia mós rekoñese iha dezafiu oioin. 

"Oinsa mak atu halo polítika ba kombate korrupsaun ninian. Hanesan Timoroan, ita iha pezu. Ita iha kbiit para fó hakat. Konserteza, ita iha dezafiu barbarak. Maibé, dezafiu hirak ne'e hotu, la'ós sai hanesan obstákulu para ita labele halo dalan para to'o iha ita nia objetivus ka metas ne'ebé ita hakarak," nia tenik. 

Sergio Hornay eleitu nu'udar Komisáriu Komisaun Anti Korrupsaun (KAK), liuhosi votasaun iha Parlamentu Nasionál ho votu a favor 42, kontra 13 no abstensaun 2. Molok asume nia knaar nu'udar Komisáriu KAK, eis Defensór Públiku ne'e simu tomada pose iha loron Segunda (21/01/19). Sergio troka posizaun komisáriu KAK sesante, Aderito Tilman.

Rate this item
(1 Vote)
Last modified on Monday, 05 August 2019 16:09
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items