“Iha ne’ebá mós asinatura rua iha paises CPLP nian ida akordu mobilidade e mós asinatura ba deklarasaun iha Luanda husi xefe estadu ho reprezentante sira”, dehan nia hafoin sorumutu ho Prezidente Repúblika iha Palásiu Prezidensiál Bairopite, sesta (06/08).
Delagasaun Timor-Leste partisipa simeira CPLP iha Luanda hetan mandatu husi Prezidente Repúblika atu xefia delegasaun ida-ne'e hamutuk ho ekipa Ministra Estranjeiru nian.
Nune'e iha enkontru bilaterál balun ne'ebé hala'o iha Lisboa-Portugal ho Sekretáriu Ezekutivu CPLP nian ne'ebé partilla informasaun kona-ba esperiénsia iha durante nia mandatu nune'e sira mós ko'alia kona-ba Sekretáriu Ezekutivu CPLP foun, Zacarias Albano, ne’ebé simu pose iha Luanda.
Ministra Negósiu Estrajeiru no Koopersaun (MNEK), Adaljiza Albertina Xavier Reis Magno hatutan, objetivu husi asina akordu rua ne'e atu estabelese liután kooperasaun entre paizes CPLP sira.
“Atu oinsá fasilita ita bele ba mai iha rai ida ba rai ida emtermus kooperasaun iha edukasaun, saúde, kultura nomós kooperasaun sira seluk”, dehan nia.
Nune'e pursentu akordu ne'e sei lori ba Konsellu Ministru aprova hafoin lori ba Parlamentu Nasionál atu ratifika depois sei iha negosiasaun entre pais CPLP sira seluk ne'ebé hakarak iha kooperasaun.
Entretantu Prezidente Repúblika apresia ho prezensa delegasaun ne'e iha simeira CPLP nian no husu oinsá prepara di'ak liután atubele hasoru prosesu ne’e. (*)
