Ministra Negósiu Estranjeiru Kooperasaun (MNEK), Adaljiza Albertina Xavier Reis Magno hatete, fatin ba resensiamentu eleitoral iha diaspora fatin la muda, sei hanesan tinan uluk ne'ebé MNEK ho Sekretariadu Tékniku Administrasaun Eleitorál (STAE) halo postu resensiamentu iha Austrália, Koreia Súl, Portugál no einu Unidu.
“Horibairuak (04/08) iha Konsellu Ministru ami aprova ona rezolusaun ida atu halo resenseamentu iha rai liur hanesan iha Austrália, Portugál, Inglatera no Korea Súl. Purtantu iha tempu badak ekipa sei ba atu halo resenseamentu”, dehan Minsitra Adalzija iha Palásiu Prezidensiál Bairopite, sesta (06/08).
Antes ne'e, Prezidente Komisaun Nasionál Eleisaun (CNE), Alcino Baris hatete, prosesu ba resenseamentu eleitorál iha diaspora atu fasilita ba sidadaun Timoroan sira bele tuir votasaun.
“Prosesu la'o hela komisaun nasionál eleisaun konvida ona autoridade MNEK husi parte dirijente ba asuntu konsulares esplika ona kona-ba oinsá atu tama iha ema nia rain atu halo aktualizasaun baze dadus ou resensiamentu eleitoral no sira atu vota”, dehan Alcino. (*)
