Login to your account

Username *
Password *
Remember Me

MNEK Prepara Rekezitu Adezaun TL ba ASEAN

Ministra Negósiu Estranjeiru Kooperasaun (MNEK), Adaljiza Albertina Xavier Reis Magno. Ministra Negósiu Estranjeiru Kooperasaun (MNEK), Adaljiza Albertina Xavier Reis Magno. Foto Suplay

Tempotimor (Dili)-Ministra Negósiu Estranjeiru Kooperasaun (MNEK), Adaljiza Albertina Xavier Reis Magno hatete, sira prepara hela rekezitu tolu (3) atu aprezenta Timor-Leste (TL) nia adezaun ba Assosiasaun Nasaun Sudeste Aziátiku (ASEAN) nian.

“Rekezitu sira mak, oinsá ita bele prepara di'ak liután iha asuntu iha pilar 3, asuntu ekonomia, sosiál kulturál ho polítiku. Imi hothotu tuir muito bem prosesu sira ne'e, prosesu sira ne'e la'o hela no prosesu ne'e di'ak hotu ona, rekezitu iha ne'ebá barak depois ita halo hotu ona, nia prosesu agora oinsá buka tempu ne'ebé oportunu atu ita bele finaliza sasán sira ne'e hotu”, dehan Ministra Adaljiza hafoin sorumutu ho Prezidente Repúblika, Francisco Guterres ‘Lú Olo’, iha Palásiu Prezidensiál Bairopite, sesta (06/08).

Tanba rekezitu prosesu sira foin dadaun semana kotuk MNEK reuniaun ho parseiru dezenvolvimentu hodi aprezenta kona-ba preparasaun oinsá Timor-Leste bele sai membru ASEAN.  

Nune'e mós iha loron kinta (05/08), Ministru Estranjeiru ASEAN nian iha reuniaun hafoin sira hasai komunikadu ida ne'ebé ko'alia kona-ba pozisaun sira-nian no preparasaun Timor-Leste sai adezaun ba ASEAN.

“Ami-nia parte mídia hasai ona komunikasaun ida kona-ba Ministru Negósiu Estranjeiru sira-nia oinsá asisténsia Timor-Leste atu sai membru ASEAN, siknifika laiha ona rezerva nem husi kada pais sira atu Timor-Leste loron ida sai membru ASEAN”, informa nia.

Entretantu, Ministra Negósiu Estranjeiru kooperasaun konsidera informasaun ne'ebé fó sai iha mídia Sosiál konserteza lalos tanba video hoax no falsu durante ne’e domina no ema barak bele konsumu ho lalais. (*)

Rate this item
(0 votes)
Last modified on Friday, 06 August 2021 13:45
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« December 2022 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  

Tempo Timor Networks

Online Counter