“Laiha, ha'u hatene alin sira balun preokupa ho ida ne’e, hakarak atu dehan de’it, esklarese de'it katak rejigna-an ne'e tanba razaun pesoál, individu embaixadór nian”, dehan Fidelis iha Palásiu Governu, kurta (04/08).
Iha nasaun barak mak kuandu sira-nia nasaun hasoru problema entaun nasaun refere sei bolu filafali nia pesoál ne'ebé koloka atu nune'e labele lakon nia estatutu hanesan Embaixadór.
Ba iha fatin hothotu kuandu nasaun sira relasaun aat ne'e, emabaixadór sira la rejigna sira recall de'it ne'e katak bolu fila, ba fali sira-nia rai, tanba ema refere labele lakon ninia estatutu hanesan embaixadór.
“Se ha'u-nia nasaun iha problema ho nasaun sira seluk, e ema seluk nia embaixadór iha ha'u-nia rai laran, e tanba ami rua iha relasaun aat, se relasaun ne'e labele di'ak duni ona, kapitál recall, bolu nia filafali”, esplika Fidelis.
Tanba rejigna-an ne'e la'ós prátika normál iha relasaun diplomátika ne'ebé mak refleta estadu kondisaun entre nasaun nian, maibé kazu rejigna-an iha Embaixadór ho nasaun seluk ne'e tanba ho motivu pesoál.
Nune'e Governu Timor-leste iha esperansa katak futuru embaixadór ne'ebé sei mai sei kontinua halo servisu ne'ebé mak Eis Embaixadór Amérika Kevin Blacstone realiza ona. (*)