"Ita-nia situasaun ida agora ne'ebé mak halo Timor nia imajen iha mundu internasionál no iha nasionál mós monu, tanba impase politika ne'ebé la’o tempu naruk no ita-nia líder sira mós la fó oin ba malu entaun ita presiza figura ida atu depois bele harmoniza situasaun sira ne’e, tantu iha iternasionál nomós iha nasionál”, dehan Adolmano iha nia kna’ar fatin UNPAZ, kuarta, (04/08).

Tanba, desde tinan 3 resin, situasaun iha rai laran, líder sira lakoi fó oin ba malu, tanba sira mantein ho idaidak nia prinsípiu no arogánsia hodi halo imajen Timor-Leste monu iha mundu.

Maske ema hotu iha diretu asume kargu Prezidnete Repúblika maibé, tenke iha kapasidade no koiñesimentu di’ak oinsá mak bele hadi’a filafali imajem Timor-Leste nian iha mundu.

“Entaun buat sira ne’e hotu presiza figura ida atu lori líder nasionál sira tur hamutuk”, afirma nia.

Ho ida ne’e, husu ba povu hotu tenke haree no fihir didi’ak figura sira ne'ebé iha koiñesementu tanba dadauk ne'e, líder polítiku balun komesa halo ona deklarasaun, balun komesa halo ona negosiasaun ho partidu polítika sira no balu deklara ona, maibé importante mak povo tenke hanoin didi’ak. (*)